Ռուբիոն հաստատել է Ուկրաինայում խաղաղության ջանքերից հրաժարվելու հնարավորությունը

ԱՄՆ պետքարտուղար Մարկո Ռուբիոն ՆԱՏՕ-ի գլխավոր քարտուղար Մարկ Ռյուտեի հետ զրույցում հաստատել է Ուկրաինայում խաղաղության ջանքերից հրաժարվելու հնարավորությունը, ասվում է ԱՄՆ Պետդեպարտամենտի խոսնակ Թեմմի Բրյուսի հայտարարության մեջ։

«Պետքարտուղար Մարկո Ռուբիոն այսօր զրուցել է ՆԱՏՕ-ի գլխավոր քարտուղար Մարկ Ռյուտեի հետ, որպեսզի նրան ներկայացնի երեկ Փարիզում ուկրաինական պատվիրակությանը և ռուս պաշտոնյաներին հեռախոսով ներկայացված խաղաղության առաջարկը։

Պետքարտուղարն ընդգծել է, որ թեև «ԱՄՆ ժողովուրդը հավատարիմ է պատերազմի ավարտին օգնելուն, եթե շուտով խաղաղության հստակ ուղի չհայտնվի, Միացյալ Նահանգները կհրաժարվի խաղաղության հաստատմանն ուղղված իր ջանքերից», - ասվում է Պետդեպարտամենտի խոսնակի հայտարարության մեջ:

Ավելի վաղ, ԱՄՆ պետքարտուղար Մարկո Ռուբիոն հայտարարել էր, որ եթե Ուկրաինայում պատերազմի ավարտն անհնար է, ապա ԱՄՆ-ն պետք է դադարեցնի իր ջանքերն «օրերի» ընթացքում և առաջ շարժվի. «Եթե անհնար է դադարեցնել պատերազմն Ուկրաինայում, մենք պետք է առաջ շարժվենք։

«Սա մեր պատերազմը չէ։ Մենք չենք սկսել այն: ԱՄՆ-ն օգնում է Ուկրաինային վերջին երեք տարիներին, և մենք ցանկանում ենք, որ այն ավարտվի, բայց սա մեր պատերազմը չէ։ Նախագահը (Թրամփը) 87 օր է անցկացրել այս կառավարության ամենաբարձր մակարդակում՝ բազմիցս ջանքեր գործադրելով այս պատերազմը վերջ տալու համար։ Մենք հիմա գալիս ենք նրան, որ պետք է որոշենք՝ դա հնարավոր է, թե ոչ»,- ասել է նա:

News.am