Արցախի նախկին ղեկավարների հաջորդ «դատական» նիստը Բաքվում ապրիլի 24-ին է

Բաքվում այսօր շարունակվել է Արցախի նախկին ղեկավարների հերթական «դատական նիստը, հայտնում են ադրբեջանական ԶԼՄ-ները։

Արցախի նախկին ռազմաքաղաքական ղեկավարներ Արայիկ Հարությունյանը, Արկադի Ղուկասյանը, Բակո Սահակյանը, Դավիթ Իշխանյանը, Դավիթ Բաբայանը, Լևոն Մնացականյանը և մյուսներն այսօր պատասխանել են պետական մեղադրողների հարցերին:

Դատական հաջորդ նիստը նշանակվել է ապրիլի 24-ին:

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով:

Sputnik Արմենիա