Թուրքիայի խորհրդարանի նախագահը կոչ է արել պատրաստ լինել ավերիչ երկրաշարժի

Թուրքիայի խորհրդարանի խոսնակ Նուման Քուրթուլմուշը կոչ է արել պատրաստ լինել ավերիչ երկրաշարժի։

Ինչպես հայտնում է «Haberturk»-ը, նա նշել է, որ մոտ ապագայում կարող է ուժգին երկրաշարժ տեղի ունենալ։

«Ստամբուլում սպասվող ուժգին երկրաշարժը սարերի հետևում չէ։ Մեր ինստիտուտները, մեր ազգը, բոլորս պետք է պատրաստ լինենք հնարավոր երկրաշարժը նվազագույն զոհերով հաղթահարելուն», - ասել է նա։

Թուրք քաղաքական գործչի խոսքերը հնչել են այսօր Թուրքիայում տեղի ունեցած 6,2 մագնիտուդով երկրաշարժի ֆոնին։

Sputnik Արմենիա