Պայթյուններ Եմենի մայրաքաղաքում. Իսրայելը պնդում է, որ ոչնչացրել է Սանայի օդանավակայանը (ՏԵՍԱՆՅՈՒԹ)
Իսրայելի կողմից Սանայի (Եմենի մայրաքաղաք) միջազգային օդանավակայանին հասցված հարվածների հետևանքով հզոր պայթյուններ են տեղի ունեցել։ Այս մասին հաղորդում է «Ալ Մասիրա» հեռուստաալիքը։
Ավելի վաղ Իսրայելի պաշտպանության ուժերը (ՑԱԽԱԼ) կոչ էին արել բոլորին անհապաղ լքել Սանայի միջազգային օդանավակայանը և հարակից տարածքները։
Իր հերթին KAN ռադիոկայանը, հղում անելով իր աղբյուրներին, նշում է, որ Իսրայելի ռազմաօդային ուժերն ամբողջությամբ ոչնչացրել են Եմենի մայրաքաղաքի օդանավակայանը և հարձակվել Դահբանի էլեկտրակայանի վրա։
Ռադիոկայանի տվյալներով՝ օդանավակայանում գտնվող տերմինալը և բոլոր ուղևորատար ինքնաթիռները ոչնչացվել են։
Իսրայելի պաշտպանության ուժերը ավելի ուշ հաստատել են, որ օդանավակայանի ողջ ենթակառուցվածքը ոչնչացվել է։
Նշենք, որ Սանան վերահսկվում է «Անսար Ալլահ» (հուսիթական) շարժման կողմից, որը կառավարում է Եմենի հյուսիսը։
Sputnik Արմենիա