Իրավաբան․ Հայաստանի իրավական համակագի կարևորագույն խնդիրներից մեկը կապված է ԲԴԽ-ի հետ
Հայաստանի իրավական համակարգը կանգնած է լուրջ մարտահրավերների առաջ։ Այս մասին Երևանում ընթացող Եվրոպական դատավորների միության (EAJ) տարեկան ժողովում ասել է իրավաբան, Միջազգային և համեմատական իրավունքի կենտրոնի նախագահ Սիրանուշ Սահակյանը։
Նրա խոսքով՝ կարևորագույն խնդիրներից մեկը վերաբերում է Բարձրագույն դատական խորհրդին, որը դարձել է դատավորների նկատմամբ կարգապահական վարույթը չարաշահելու գործիք։ ԲԴԽ-ն օբյեկտիվություն չի ապահովում։ Նրա և արդարադատության նախարարության միջև կապ կա. դատավորների հիմնարար իրավունքները չեն պահպանվում։ Բազմաթիվ դեպքեր կան, երբ պարզ կարգապահական խախտումը ներկայացվում է դատարան և վերանայվում փակ դռների հետևում, ինչի արդյունքում դատավորները զրկվում են իրենց լիազորություններից՝ չկարողանալով ներկայացնել իրենց փաստարկներն ու կարծիքները։
Հարցը բարձրացվել է ՄԻԵԴ-ում, որտեղ արձանագրվել է Բարձրագույն դատական խորհրդի գործունեության հետ կապված համակարգային խնդիր։ Արդեն մեկ ավարտված գործ կա, մի քանիսը շարունակվում են։ Բարձրագույն դատականխորհրդի որոշումների վերանայման դրական փորձ չկա. 3 դեպքում հնարավոր է եղել վերականգնել իրավունքները ՍԴ-ի միջոցով։
News.am