Թրամփ․ Պուտինի և Զելենսկու բանակցությունների համար մտածում եմ Ստամբուլ մեկնել

ԱՄՆ նախագահ Դոնալդ Թրամփը հույս ունի, որ մայիսի 15–ին Ռուսաստանի և Ուկրաինայի առաջնորդները կլինեն Ստամբուլում: Նա լրագրողներին հայտնել է, որ մտածում է այդ բանակցությունների համար մեկնել Ստամբուլ:

«Կարծում եմ, որ երկու առաջնորդները (ՌԴ-ի և Ուկրաինայի - խմբ.)պետք է այնտեղ լինեն։ Ես մտածում եմ այնտեղ գնալու մասին։ Չգիտեմ, թե որտեղ կլինեմ հինգշաբթի, այնքան շատ հանդիպումներ ունեմ, բայց մտածում էի իսկապես թռչել այնտեղ: Կարծում եմ՝ կա նման հնարավորություն», - Սպիտակ տանը լրագրողներին ասել է Թրամփը։

ԱՄՆ նախագահը նաև նշել է, որ չպետք է թերագնահատել այդ հանդիպումը: Նա նաև հույս է հայտնել, որ Մոսկվան կհամաձայնի 30-օրյա զինադադարին:

Մայիսի 11-ին Ռուսաստանի նախագահ Վլադիմիր Պուտինը ելույթ է ունեցել ռուսական և արտասահմանյան լրատվամիջոցների ներկայացուցիչների առջև և Ուկրաինային առաջարկել մայիսի 15-ին Ստամբուլում վերսկսել առանց նախապայմանների ուղիղ բանակցությունները: Վլադիմիր Զելենսկին, այնուամենայնիվ, վերջնագրով է պատասխանել Պուտինի խաղաղ նախաձեռնությանը. նա պահանջել է, որ Մոսկվան մայիսի 12-ից լիակատար հրադադար հաստատի, ինչից հետո միայն Կիևի ռեժիմը կնստի բանակցությունների սեղանի շուրջ:

Sputnik Արմենիա