Ռոբերտ Դե Նիրոն արժանացել է Կաննի կինոփառատոնի «Ոսկե արմավենու ճյուղ» մրցանակին և կրկին քննադատել է Թրամփին (ՏԵՍԱՆՅՈՒԹ)

Լեգենդար դերասան Ռոբերտ Դե Նիրոն Կաննի կինոփառատոնում արժանացել է «Ոսկե արմավենու ճյուղ» մրցանակին, որը նրան հանձնել է Լեոնարդո Դի Կապրիոն։

Մրցանակը հանձնելիս Դի Կապրիոն գովաբանել է Դե Նիրոյին որպես «արխետիպային դերասան»՝ նշելով նրա ջանքերը «մեր ժողովրդավարության համար պայքարում»։

Ծափահարությունների ներքո Դի Կապրիոն նրան հանձնել է «Ոսկե արմավենու ճյուղը», որին Դե Նիրոն պատասխանել է. «Շնորհակալություն, փոքրիկ»։

Փառատոնին շնորհակալություն հայտնելուց հետո Դե Նիրոն արագորեն զրույցը շրջել է դեպի Դոնալդ Թրամփը, ով վերջերս հայտարարել է Միացյալ Նահանգներից դուրս նկարահանված ֆիլմերի վրա մաքսատուրքեր սահմանելու իր մտադրության մասին։

«Արվեստը ճշմարտություն է։ Արվեստը ընդունում է բազմազանությունը։ Եվ այդ պատճառով արվեստը սպառնալիք է ավտոկրատների և ֆաշիստների համար», - ասել է Դե Նիրոն։

«Ամերիկացի բուրժուա նախագահը նշանակել է իրեն Ամերիկայի առաջատար մշակութային հաստատություններից մեկի ղեկավար։ Նա կրճատել է արվեստի, հումանիտար գիտությունների և կրթության ֆինանսավորումն ու աջակցությունը։ Եվ հիմա նա հայտարարել է Միացյալ Նահանգներից դուրս նկարահանված ֆիլմերի վրա 100% տուրքի մասին։ Դուք չեք կարող գին սահմանել ստեղծագործության վրա, բայց, ըստ երևույթին, կարող եք դրույքաչափ սահմանել դրա վրա։ Իհարկե, սա անընդունելի է։ Այս բոլոր հարձակումները անընդունելի են։ Եվ սա միայն ամերիկյան խնդիր չէ, սա համաշխարհային խնդիր է։ Մենք չենք կարող պարզապես նստել և դիտել։ Մենք պետք է գործենք, և մենք պետք է գործենք հիմա»։

News.am