ՌԴ-ն Հայաստանին մատակարարել է լեռներում ինքնաթիռների կողմնորոշման համար սարքավորումներ

Ռուսաստանյան «Ռոստեխ» պետական կորպորացիան Հայաստանին սարքավորումներ է մատակարարել, որոնք օգնում են ինքնաթիռներին կողմնորոշվել լեռնային տեղանքում: Ինչպես հայտնել են ընկերության մամուլի ծառայությունից, խոսքը «Ազիմուտ» ընկերության VOR/DME 2700 համաուղղորդված ռադիոփարոսի մասին է:

Սարքավորումը տեղադրված է Սիսիանում, այն կարող է միաժամանակ վարել մինչև 200 ինքնաթիռ։ Սարքը ICAO-ի կողմից առաջարկվել է որպես օդային ուղիների նավիգացիայի հիմնական, ինչպես նաև օդանավերի վայրէջքի գնալու լրացուցիչ միջոց։

«Մենք ավարտել ենք Հայաստանում VOR/DME 2700-ի փորձարկումները, ինչը թույլ կտա օդանավերին լեռնային տեղանքում և վատ եղանակի պայմաններում կողմնորոշվել օդային ուղիներում», - նշել է «Ազիմուտի» ղեկավարի տեղակալ Ալեքսեյ Գալչենկովը:

«Ազիմուտի» ռադիոփարոսն իրեն երաշխավորել է որպես հուսալի և ամուր սարքավորում։ Ներկայում այն հաջողությամբ շահագործվում է Ստավրոպոլում, Չելյաբինսկում, Կալինինգրադում, Խաբարովսկում, Նովոսիբիրսկում և Ռուսաստանի այլ քաղաքներում, ինչպես նաև արտասահմանյան օդանավակայաններում:

Sputnik Արմենիա