Լիտվան հետևում է Էստոնիային՝ չեղարկելով վրացի պաշտոնյաների համար առանց վիզայի ռեժիմը

Լիտվայի կառավարությունը հաստատել է Վրաստանի դիվանագիտական/ծառայողական անձնագրերի տերերի համար վիզայի ազատ ռեժիմը կասեցնելու վերաբերյալ ԵՄ խորհրդի հունվարին ընդունած որոշումը կյանքի կոչելու մասին բանաձևը։

Վրաստանի շարքային քաղաքացիները դեռևս կկարողանան ճանապարհորդել առանց վիզաների, պարզաբանում է «Նովոստի Գրուզիան»։

Լիտվայի կառավարությունը հանձնարարել է Արտաքին գործերի նախարարությանը հինգ աշխատանքային օրվա ընթացքում տեղեկացնել Եվրոպական հանձնաժողովին և ԵՄ մյուս անդամ պետություններին ընդունված որոշման մասին։

Վրաստանի խորհրդարանի խոսնակ Շալվա Պապուաշվիլին հայտարարել է, որ Լիտվայի որոշումը «Եվրոպական Միության և Վրաստանի միջև վիզաների տրամադրման ընթացակարգերի դյուրացման մասին» 2010 թվականի համաձայնագրի կոպիտ խախտում է։

News.am