Հայ մարմնամարզիկները Եվրոպայի մեծահասակների առաջնությունում անցել են եզրափակիչ

Մարմնամարզիկներ Արթուր Դավթյանը, Արթուր Ավետիսյանը, Վահագն Դավթյանը, Համլետ Մանուկյանը ու Մամիկոն Խաչատրյանը Գերմանիայի Լայպցիգ քաղաքում անցկացվող Սպորտային մարմնամարզության Եվրոպայի մեծահասակների առաջնությունում անցել են եզրափակիչ։

Հենցատկի որակավորման մրցումներում Արթուր Դավթյանը զբաղեցրել է երկրորդ տեղը, Արթուր Ավետիսյանը օղակների վրա՝ 5-րդ, Վահագն Դավթյանը՝ 8-րդ, նժույգ թափերում Համլետ Մանուկյանը առաջին տեղում է, իսկ Մամիկոն Խաչատրյանը՝ 3-րդ։

Հայ 6 մարմնամարզիկներից որակավորման փուլը չի հաղթահարել միայն Գագիկ Խաչիկյանը։

Եզրափակիչներում որակավորման մրցումների արդյունքները հաշվի չեն առնվում։ Ամեն ինչ սկսվում է զրոյից։ Ութ լավագույն մարմնամարզիկները տվյալ գործիքի վրա խաղարկում են մեդալները։

Sputnik Արմենիա