Մհեր Գրիգորյանը կմեկնի Դուշանբե

ԱՊՀ անդամ պետությունների կառավարությունների ղեկավարների խորհրդի նիստին Հայաստանը կներկայացնի փոխվարչապետ Մհեր Գրիգորյանը։ Sputnik Արմենիայի հետ զրույցում տեղեկությունը հայտնեցին փոխվարչապետի գրասենյակից։

Խորհրդի նիստը կայանալու է հունիսի 5-ին Տաջիկստանի մայրաքաղաք Դուշանբեում։

Նշենք, որ արդեն մի քանի տարի է՝ ԱՊՀ անդամ պետությունների կառավարությունների ղեկավարների խորհրդի նիստում Հայաստանը ներկայացնում է փոխվարչապետ Մհեր Գրիգորյանը։

Հավելենք, որ կառավարությունների ղեկավարների խորհուրդը տարեկան չորս անգամ հանդիպում է ունենում։ Կառավարությունների ղեկավարների խորհրդի որոշումներն ընդունվում են ընդհանուր համաձայնությամբ՝ կոնսենսուսով։