ԱԱԾ․ Սյունիքի մարզի 2 անչափահաս բնակիչներ մոլորվել են և հայտնվել Ադրբեջանի տարածքում

Սյունիքի մարզի երկու անչափահաս բնակիչներ մոլորվել են և հայտնվել Ադրբեջանի տարածքում: Տեղեկությունը հայտնում է ՀՀ ԱԱԾ մամուլի ծառայությունը։

«Ստացված տվյալների համաձայն՝ ՀՀ Սյունիքի մարզի Տեղ համայնքի բնակիչներ Կարեն Արմենի Ջհանգիրյանը (ծնված 27.06.2007թ.) և Անդրեյ Արմենի Գյագունցը (ծնված 13.01.2008թ.) 2025 թվականի հունիսի 6-ին՝ ժամը 01:20-ի սահմաններում, Սյունիքի մարզի Արավուս գյուղի հարակից հատվածում տեղանքում մոլորվելու հետևանքով հայտնվել են Ադրբեջանի տարածքում»,–նշված է հաղորդագրության մեջ։

ԱԱԾ–ից հայտնում են, որ ձեռնարկվում են անհրաժեշտ բոլոր միջոցները՝ քաղաքացիների գտնվելու վայրը պարզելու և նրանց անվտանգ վերադարձն ապահովելու ուղղությամբ։

Նշենք, որ ըստ լրատվամիջոցների տեղեկությունների` անչափահասները փորձել են հետ բերել սահմանագիծը հատած անասուններին, սակայն իրենք են հայտնվել հակառակորդի տարածքում։

Sputnik Արմենիա