ՊԵԿ նախագահը բացատրել է, թե ինչու ԶՊՄԿ-ն չի հայտնվել 1 000 խոշոր հարկատուների ցուցակում
ՀՀ Պետական եկամուտների կոմիտեի նախագահ Էդուարդ Հակոբյանը մշտական խորհրդարանական հանձնաժողովների համատեղ նիստում, «ՀՀ 2024թ. պետական բյուջեի կատարման մասին» հաշվետվության քննարկման ժամանակ, բացատրել է, թե ինչու Զանգեզուրի պղնձամոլիբդենային կոմբինատը 2025թ. առաջին եռամսյակում չի ընդգրկվել հանրապետության 1 000 խոշոր հարկատուների ցանկում։
«Հայաստան» ընդդիմադիր խմբակցության պատգամավոր Արթուր Խաչատրյանը նշել է, որ սա բացառիկ դեպք է։ Ի վերջո, մինչ այդ գործարանը գրեթե միշտ հայտնվել էր վերոնշյալ ցուցակում։
«2024թ. արդյունքների հիման վրա Զանգեզուրի պղնձամոլիբդենային կոմբինատը գրանցել է վաճառքի նվազում՝ 2023թ. համեմատ։ Այդ պատճառով 2025թ. վճարման ենթակա ռոյալթին նվազել է։ Բացի այդ, քանի որ 2024թ. կատարվել է ավելի մեծ նախավճար, միջոցների մի մասը վերադարձվել է առաջին եռամսյակում։ Եթե չեմ սխալվում, խոսքը 21-22 մլրդ դրամի մասին է։ Սա միանվագ գործարքի արդյունքում ստացված վերադարձ է։ Այս 21-22 մլրդ դրամի պատճառով գործարանը անմիջապես հանվել է 1 000 խոշոր հարկ վճարողների ցանկից», բացատրել է Հակոբյանը։
Նշենք, որ Զանգեզուրի պղնձամոլիբդենային կոմբինատը, որը վերջին 4 տարիների ընթացքում գլխավորել է Հայաստանի 1 000 խոշոր հարկատուների ցանկը և 2024թ. վերջին հանրապետության պետական բյուջեն ապահովել է 101.97 մլրդ դրամով, այս տարվա առաջին եռամսյակի ցանկում չի ընդգրկվել։
News.am