Լոս Անջելեսի ցուցարարները ճայթուկներ են նետել ոստիկանների վրա

Լոս Անջելեսում գործող կառավարության ներգաղթի քաղաքականության դեմ բողոքի ակցիայի մասնակիցները ճայթուկներ են նետել ոստիկանության վրա։ Անվտանգության ուժերը պատասխանել են ռետինե փամփուշտներով։ Այս մասին հաղորդում է ՌԻԱ Նովոստին։

Նշվում է, որ մութն ընկնելուց առաջ ցուցարարներն օգտագործել են շշեր և ինքնաշեն առարկաներ, իսկ ավելի ուշ` ճայթուկներ։

Անվտանգության ուժերին հաջողվել է ցուցարարներին բաժանել փոքր խմբերի։ Բողոքի ցույցերը շարունակվում են։

Հիշեցնենք` հունիսի 7–ից ԱՄՆ–ում մարդիկ ցույցեր են անում` բողոքելով միգրացիոն նոր քաղաքականությունից։ ԱՄՆ ներգաղթի և մաքսային ոստիկանությունը (ICE) հունիսի 7-ին անօրինական միգրանտներին հայտնաբերելու գործողություն է իրականացրել Լոս Անջելեսի կենտրոնում, գործողությունը վերաճել է ցուցարարների հետ բախումների: ԱՄՆ նախագահ Դոնալդ Թրամփը քաղաք է մտցրել Ազգային գվարդիայի 300 զինվորական և սպառնացել է 500 ծովային հետևակ ուղարկել։

Վերջին տվյալներով՝ երեկ Լոս Անջելեսում բողոքի ցույցերի ժամանակ առնվազն 27 մարդ է ձերբակալվել։

Sputnik Արմենիա