ԱԳՆ-ն ցավակցություն է հայտնել Գրաց քաղաքի դպրոցում զինված հարձակման զոհերի ընտանիքներին

ՀՀ արտաքին գործերի նախարարությունը ցավակցություն է հայտնել Ավստրիայի Գրաց քաղաքի դպրոցում զինված հարձակման զոհերի ընտանիքներին։ Այս մասին հայտարարել է ԱԳՆ–ն X սոցիալական ցանցի իր էջում։

«Ցնցված ենք Ավստրիայի Գրաց քաղաքի դպրոցում տեղի ունեցած կրակոցներից։ Մեր անկեղծ ցավակցությունն ենք հայտնում զոհերի ընտանիքներին այս սարսափելի ողբերգության կապակցությամբ։ Մեր մտքերը նրանց և ավստրիացի ժողովրդի հետ են»,–նշված է հաղորդագրության մեջ։

Հավելենք, որ Ավստրիայի կանցլեր Քրիստիան Շտոքերը եռօրյա ազգային սուգ է հայտարարել։

Հիշեցնենք` այսօր Ավստրիայի Գրաց քաղաքի դպրոցում զինված հարձակում է տեղի ունեցել։ Նախնական տվյալներով՝ 11 մարդ է սպանվել, շատերը ծանր վիրավորվել են։ Վիրավորներին ուղղաթիռով տեղափոխել են հիվանդանոցներ։

Լրատվամիջոցները հաղորդում են, որ հարձակումը միջին դպրոցի աշակերտ է իրականացրել։

Sputnik Արմենիա