Ճամբարակի շենքերից մեկում բռնկված հրդեհի զոհերի թիվը դարձել է 2. ևս 3 մարդու դեռ չեն գտել

Գեղարքունիքի մարզի Ճամբարակ քաղաքի բնակելի շենքերից մեկում պայթյունից բռնկված հրդեհի հետևանքով զոհերի թիվը դարձել է 2։ Այս մասին Sputnik Արմենիային հայտնեցին ՀՀ ՆԳՆ մամուլի ծառայությունից։

ՆԳՆ–ից հայտնեցին նաև, որ բնակիչներից 3–ի որոնողական աշխատանքները շարունակվում են։

Հիշեցնենք` այսօր առավոտյան Ճամբարակ քաղաքի Գարեգին Նժդեհի փողոցի շենքերից մեկում տեղի է ունեցել գազի պայթյուն՝ փլուզումով․ փլուզվել են 4-րդ, 3-րդ և 2-րդ հարկի բնակարանները։ Մասամբ փլուզվել են նաև բնակարաններ կից մուտքից։ Դեպքից անմիջապես հետո հայտնի էր դարձել, որ կա մեկ զոհ, 10 տուժածի տեղափոխել են հիվանդանոց։

Sputnik Արմենիա