Իրանը հրապարակել է Իսրայելի միջուկային ծրագրի մասին գաղտնի փաստաթղթերի փաթեթի առաջին մասը
Իրանական լրատվամիջոցները հրապարակել են երկրի հետախուզության կողմից Իսրայելի միջուկային արդյունաբերության վերաբերյալ հայթայթած փաստաթղթերի առաջին մասը։ Այս փաստաթղթերը վկայում են այն մասին, որ ՄԱԳԱՏԷ-ի գլխավոր տնօրեն Ռաֆայել Գրոսսին լիովին համագործակցել է Իսրայելի ռեժիմի հետ Իրանի դեմ և հետևել է Սիոնիստական ռեժիմի բոլոր հրահանգներին:
Ավելի վաղ հաղորդվել էր, որ Իրանին հաջողվել է գաղտնի փաստաթղթեր ձեռք բերել Իսրայելի միջուկային ծրագրի վերաբերյալ։ Հունիսի 8-ին Իրանի տեղեկատվության (հետախուզության) նախարար Իսմայիլ Խատիբը փաստաթղթերն անվանել է «հետախուզական տեղեկատվության գանձարան»: Նրա խոսքով` ստացված տվյալները կօգնեն ուժեղացնել երկրի հարձակողական ներուժը։
Իրանական հետախուզությունը հայտնել է, որ փաստաթղթերի մի մասը կապված է Իսրայելի ռազմական և հրթիռային ծրագրերի հետ։
Նշվում է, որ Թեհրանը տեղեկություններ է ստացել Իսրայելի միջուկային ռազմական ծրագրի, ինչպես նաև ներկա և ապագա ծրագրերի մասին, տվյալ նախագծերին մասնակցող գիտնականների մասին։ Թեհրանը նախատեսում է գաղտնի տվյալներ փոխանցել դաշնակիցներին և հակաիսրայելական խմբերին։
Sputnik Արմենիա