Իրանը 100-ից ավելի ԱԹՍ է արձակել. Իսրայելը ստորգետնյա հիվանդանոցներ է պատրաստում
Վերջին մի քանի ժամվա ընթացքում Իրանը Իսրայելի ուղղությամբ ավելի քան 100 անօդաչու թռչող սարք է արձակել, հայտարարել է Իսրայելի պաշտպանության ուժերի խոսնակ, բրիգադի գեներալ Էֆի Դեֆրինը։
«Բանակը աշխատում է դրանք խոցելու ուղղությամբ», - ասել է պաշտոնյան, որին մեջբերել է Times of Israel-ը։
Նա ասել է, որ Իրանից արձակված անօդաչու թռչող սարքերը մի քանի ժամում կհասնեն Իսրայել։
Իսրայելի հիվանդանոցներն արդեն վիրավորների համար ստորգետնյա բաժանմունքներ են պատրաստում։
Իսրայելը հունիսի 13-ի վաղ առավոտյան հարվածներ է հասցրել Իրանին։ Հարձակման հետևանքով որոշ բարձրաստիճան իրանցի զինվորականներ և միջուկային ֆիզիկոսներ են զոհվել։
Իսրայելի ռազմաօդային ուժերը հարվածել են տասնյակ թիրախների, որոնք իբր կապված են միջուկային ծրագրի և ռազմական օբյեկտների հետ։ Այսպես օրինակ, թիրախներ են խոցվել Թեհրանում, Թավրիզում, Սպահանում, Իլամում։ Հարձակման է ենթարկվել նաև Նեթենզի միջուկային օբյեկտը։
Իրանի քաղաքացիներին ուղղված իր ուղերձում գերագույն առաջնորդ այաթոլլա Ալի Խամենեին Իսրայելի կողմից Իրանին հասցված հարվածները հանցագործություն է որակել և հայտարարել, որ Իսրայելին «դառը և սարսափելի ճակատագրի» է սպասվում։ ՑԱԽԱԼ–ի մամուլի քարտուղարի հայտարարության համաձայն՝ Իրանին հասցված առաջին հարվածներում ավելի քան 200 իսրայելական ՌՕՈւ ինքնաթիռ է ներգրավված եղել։ Նա հավելել է, որ կործանիչներն ավելի քան 330 զինամթերք են նետել։
Sputnik Արմենիա