Իրանը ՄԱԿ-ի Անվտանգության խորհրդի արտակարգ նիստ է խնդրել

Թեհրանը ՄԱԿ-ի Անվտանգության խորհրդի արտակարգ նիստ է խնդրել՝ կապված Իսրայելի կողմից Իրանին հասցված հարվածների հետ, հաղորդում է IRNA գործակալությունը։

Հունիսի 13-ի վաղ առավոտյան Իսրայելի պաշտպանության բանակը (ՑԱԽԱԼ) լայնածավալ գործողություն է սկսել, որի շրջանակներում ՌՕՈւ–ն, ՑԱԽԱԼ–ի պնդմամբ, հարվածել է Իրանի միջուկային ծրագրի ռազմական թիրախներին և օբյեկտներին։

Իսրայելի իշխանությունները հայտարարել են, որ գործողության նպատակն է «կանխել հրեական պետության գոյությանը սպառնացող վտանգը, քանի որ, իսրայելցի զինվորականների և հետախուզության տվյալներով, Իրանը կարճ ժամանակում միջուկային զենք ստեղծելու հարցում «անդառնալի կետի է մոտեցել»։

Իսրայելի ռազմաօդային ուժերը մի քանի հարձակումներ են իրականացրել Իրանի տարբեր շրջաններում, այդ թվում՝ Թեհրանում, որտեղ սպանվել են իրանցի որոշ բարձրաստիճան զինվորականներ և մի շարք միջուկային գիտնականներ։ Մասնավորապես, հարվածներ են հասցվել Նաթանզի միջուկային օբյեկտին և երկրի հյուսիս-արևմուտքում գտնվող իրանական զինվորականների տեղակայման վայրերին։

Իրանի գերագույն առաջնորդ այաթոլլահ Ալի Խամենեին երկրի քաղաքացիներին ուղղված իր ուղերձում Իսրայելի կողմից Իրանի վրա հարվածները հանցագործություն է որակել։ Նա հայտարարել է, որ Իսրայելին «դառը և սարսափելի ճակատագրի» է սպասում։

Sputnik Արմենիա