Թուրքիայի ԱԳՆ․ Մենք ամենավճռական կերպով դատապարտում ենք Իսրայելի կողմից Իրանի վրա կատարված ավիահարվածը
Մենք ամենախիստ կերպով դատապարտում ենք Իսրայելի կողմից Իրանի վրա կատարված ավիահարվածը, ասվում է Թուրքիայի արտաքին գործերի նախարարության հայտարարության մեջ։
«Այս հարձակումը, որը միջազգային իրավունքի կոպիտ խախտում է, սադրանք է, որը ծառայում է Իսրայելի տարածաշրջանը ապակայունացնելու ռազմավարական քաղաքականությանը։
Հարվածների ժամանակը, որոնք տեղի են ունեցել Իրանի միջուկային ծրագրի շուրջ լարված բանակցությունների ընթացքում, հստակ ցույց է տալիս, որ Նեթանյահուի կառավարությունը պատրաստ չէ լուծել որևէ խնդիր դիվանագիտական միջոցներով և չի վարանում վտանգել տարածաշրջանային կայունությունը և համաշխարհային խաղաղությունը իր սեփական շահերի համար։
Իսրայելը պետք է անհապաղ դադարեցնի իր ագրեսիվ գործողությունները, որոնք կարող են հանգեցնել ավելի մեծ հակամարտությունների։ Մենք կրկին հայտարարում ենք, որ չենք ցանկանում տեսնել ավելի շատ արյունահեղություն և ավերածություններ Մերձավոր Արևելքում։ Մենք կոչ ենք անում միջազգային հանրությանը անհապաղ միջոցներ ձեռնարկել պատերազմի տարածումը կանխելու համար», - ասվում է Թուրքիայի արտաքին գործերի նախարարության հայտարարության մեջ։
News.am