Իսրայելում ՌԴ դեսպանատունն իր քաղաքացիներին խորհուրդ է տալիս լքել երկիրը

Իսրայելում ՌԴ դեսպանատունը ռուսաստանցիներին խորհուրդ է տալիս լքել երկիրը, քանի դեռ իրավիճակը չի կարգավորվել։ Այս մասին հունիսի 16-ին հայտնել է ՌԴ դեսպան Անատոլի Վիկտորովը։

«Իրավիճակը լարված է… Իսրայելում գտնվող թե՛ դիվանագետների, թե՛ ՌԴ քաղաքացիների կյանքին և առողջությանը սպառնացող վտանգը կարճաժամկետ չէ»,- ասել է նա «Ռոսիա-24»-ի եթերում:

Դեսպանի խոսքով՝ ստեղծված իրավիճակում ՌԴ դեսպանատունը խորհուրդ է տալիս երկրի բոլոր քաղաքացիներին լքել Իսրայելը, քանի դեռ իրավիճակը չի կարգավորվել։ Նշվում է, որ երկիրը կարելի է լքել հարավով՝ տեղափոխվելով Եգիպտոս։

«Մենք դիտարկում ենք տարհանման հնարավորությունը: Ուշադիր հետևում ենք իրավիճակին: Անհրաժեշտության դեպքում այլ որոշումներ կկայացվեն»,- եզրափակել է դեսպանը:

Alpha News