Ահաբեկչական հարձակում է տեղի ունեցել Դամասկոսի եկեղեցում պատարագի ժամանակ. կան զոհեր

Ահաբեկչական հարձակում է գրանցվել Դամասկոսի արևելքում գտնվող հունական եկեղեցներից մեկում պատարագի ժամանակ, հաղորդում է «Ալ Ջազիրան»։ Նախնական տեղեկությունների համաձայն՝ կան զոհեր։

Տեղական ԶԼՄ–ները հայտնում են, որ մահապարտ ահաբեկիչը պայթեցրել է իրեն եկեղեցու ներսում։

Սիրիական SANA գործակալության տվյալներով էլ` պայթյունը տեղի է ունեցել Դամասկոսի Սուրբ Եղիա եկեղեցում, զոհվել է ավելի քան 25 մարդ։

Սիրիայի ԱԳՆ–ն էլ հայտնել է, որ ահաբեկիչը «Իսլամական պետություն» խմբակցության անդամ է։

Sputnik Արմենիա