Չինաստանն աջակցություն է հայտնել Իրանին
Իրանի արտգործնախարար Աբբաս Արաղչին Չինաստանի արտգործնախարար Վան Իի հետ հեռախոսազրույցում քննարկել է Իրանի դեմ «սիոնիստական ռեժիմի» և Միացյալ Նահանգների ձեռնարկած ագրեսիայից հետո տարածաշրջանային վերջին զարգացումները։
Ըստ իրանական IRNA գործակալության՝ Արաղչին երախտագիտություն է հայտնել Չինաստանի պատասխանատու դիրքորոշման համար, ներառյալ՝ Իրանի դեմ սիոնիստական ռեժիմի վերջին ագրեսիայի խստորեն դատապարտման, ինչպես նաև երկրի խաղաղ միջուկային օբյեկտների վրա ԱՄՆ-ի հարձակման դատապարտման համար։
Նա ընդգծել է, որ սիոնիստական ռեժիմի ռազմական և հետախուզական օբյեկտների դեմ ուղղված Իրանի զինված ուժերի գործողությունները ինքնապաշտպանության ակտ էին՝ ի պատասխան նրա ագրեսիայի։
Վան Ին նշել է, որ Չինաստանը դեմ է վեճերի ուժային լուծմանը և միշտ կանգնած է խաղաղության կողմում, հաղորդում է «Սինհուա»-ն։
Ինչպես նշել է չինացի դիվանագետը, Իսրայելը և Միացյալ Նահանգներն ուժ են կիրառել Իրանի դեմ՝ դա արդարացնելով «հնարավոր ապագա սպառնալիքներով», դրանով իսկ լրջորեն խախտելով միջազգային իրավունքը և ոտնձգություն կատարելով իրանական պետության ինքնիշխանության նկատմամբ։
News.am