Ի՞նչ է կատարվում Մայր աթոռում
ԱԱԾ աշխատակիցներն այս պահին գործողություն են իրականացնում Վեհարանում։ Տեղեկությունը հայտնում է «Սրբազան պայքար» շարման տելեգրամյան ալիքը։
Փաստաբան Միհրան Պողոսյանն էլ հայտնում է, որ իրավապահներից ինչ–որ մեկը հարցրել է Շիրակի թեմի առաջնորդ Միքայել արքեպիսկոպոս Աջապահյանի մասին։
«Հիմա փորձում են գտնել, թե ոստիկաններից ով է նա»,– ասում է Պողոսյանը։
Ավելի վաղ հայտնել էինք, որ Շիրակի թեմի առաջնորդը Մայր աթոռում է, որտեղ Քահանայից ժողով է նախատեսված։
Պողոսյանի խոսքով` ժողովն արդեն մեկնարկել է, նախագահում է սրբազանը։
Հիշեցնենք` վաղ առավոտից Շիրակի թեմի առաջնորդարանում խուզարկություն է իրականացվում։ Ըստ ՔԿ–ի` Միքայել Աջապահյանի բնակության հասցեում կատարվում են անհրաժեշտ քննչական և վարութային գործողություններ։
Շիրակի թեմի առաջնորդ Միքայել արքեպիսկոպոս Աջապահյանի նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
Sputnik Արմենիա