ՀՀ ՊՆ․ Զորավարժադաշտում պայթյունի հետևանքով տուժածների կյանքին վտանգ չի սպառնում

ՊՆ N զորավարժադաշտում պայթյունի հետևանքով տուժածների կյանքին վտանգ չի սպառնում։ Տեղեկությունը հայտնում է ՀՀ պաշտպանության նախարարությունը։

«Նրանք հոսպիտալի բուժանձնակազմի հսկողության ներքո են և ստանում են անհրաժեշտ բուժօգնություն»,– ասված է հաղորդագրությունում։

Հիշեցնենք` ՊՆ–ն հուլիսի 8-ին հայտնեց, որ ժամը 16:00-ի սահմաններում, N զորավարժադաշտում ուսումնական պարապմունքի ընթացքում, նախնական տվյալներով, ականանետային կրակոցի պայթյունի հետևանքով կան տուժածներ։

Ըստ Armlur.am–ի` պայթյունի հետևանքով 8 տուժած կա, բոլորը վարժական հավաքի մասնակիցներ են։

Sputnik Արմենիա