Մայր աթոռում քահանայաց ժողով կանցկացվի. հայտնի է` ով կփոխարինի Միքայել սրբազանին

Այսօր Մայր աթոռ Սուրբ Էջմիածնում նախատեսված է քահանայաց ժողով։ Sputnik Արմենիային այս մասին հայտնեց տեր Եսայի քահանա Արթենյանը։

Քահանայաց ժողովը պետք է կայանար հունիսի 27–ին, սակայն իրավապահները Միքայել սրբազանին ձերբակալելու համար ներխուժեցին վեհարանի բակ, և ժողովը տապալվեց։

Քահանայաց ժողովն ավելի քան 20 տարի համակարգել է Միքայել սրբազանը, որն այժմ կալանքի տակ է։

Տեր Եսային մեզ հայտնեց, որ Միքայել սրբազանի փոխարեն քահանայաց ժողովը կհամակարգի Սուրբ Էջմիածնի վանական խորհրդի ատենապետ Մուշեղ եպիսկոպոս Բաբայանը։