Քրդստանի աշխատավորական կուսակցությունը պահանջում է ազատ արձակել իր առաջնորդ Օջալանին

Քրդստանի աշխատավորական կուսակցությունը (PKK) սկսել է առաջին քայլերը ձեռնարկել զինաթափման ուղղությամբ՝ փակելով չորս տասնամյակ տևած և ավելի քան 40 հազար մարդու կյանք խլած Թուրքիայի դեմ զինված պայքարի էջը։

Ուրբաթ օրը Հյուսիսային Իրաքի Սուլեյմանիե քաղաքում տեղի ունեցավ արարողություն, որտեղ Քրդական աշխատավորական կուսակցության (PKK) 20-30 մարտիկ ոչնչացրին իրենց զենքերը՝ իշխանություններին հանձնելու փոխարեն։ Խորհրդանշական արարողությունը տեղի է ունեցել խիստ անվտանգության միջոցառումների ներքո և, ինչպես սպասվում է, կտևի ամբողջ ամառ։

Քայլը հաջորդել է Քրդական աշխատավորական կուսակցության (PKK) մայիսին զինված պայքարից հրաժարվելու մասին արված հայտարարությանը։

Քրդական աշխատավորական կուսակցությունն էլ ունի իր պահանջները, դրանց թվում՝ թուրքական բանտում գտնվող իր առաջնորդ Աբդուլլահ Օջալանի ազատ արձակումը, որպեսզի նա կարողանա ղեկավարել ժողովրդավարական գործընթացը, հաղորդում է Al Jazeera-ն:

Այս զարգացումը նշանավորում է Իրաքում իրավիճակի լուրջ փոփոխություն, որտեղ PKK-ն անցյալ ապրիլին՝ իրաքցի և թուրք պաշտոնյաների միջև անվտանգության գագաթնաժողովից հետո պաշտոնապես արգելված կազմակերպություն ճանաչվեց։

News.am