3 օրում Վրաստանից Հայաստան է մտել հեղուկ գազով բեռնված շուրջ 100 մեքենա

3 օրում Վրաստանից Հայաստան է մտել հեղուկ գազով բեռնված շուրջ 100 բեռնատար։ Տեղեկությունը հայտնում է ՀՀ էկոնոմիկայի նախարար Գևորգ Պապոյանը։

«Հուլիսի 11-13-ի ընթացքում Վրաստանից Հայաստան է մտել հեղուկ գազով բեռնված 99 բեռնատար»,– գրել է նախարարը ֆեյսբուքյան էջում։

Հուլիսի 11-ին հայտնել էինք, որ ավելի քան 100 գազատար մեքենա մնացել է Վրաստանում և չի կարողանում հատել հայ–վրացական սահմանը, ինչը հանգեցրել է գազի գների կտրուկ աճի։

Այս պահին հայաստանյան գազալցակայաններում հեղուկ գազի գինը հասել է արդեն 170 դրամի, մինչդեռ 10 օր առաջ այն կարելի էր գնել 120 դրամով։

Sputnik Արմենիա