Միխայիլ Միշուստինը Ալթայում հանդիպել է Փաշինյանի հետ

ՀՀ վարչապետ Նիկոլ Փաշինյանն այսօր՝ հուլիսի 24–ին, Ռուսաստանի Ալթայի երկրամասում հանդիպել է ՌԴ վարչապետ Միխայիլ Միշուստինի հետ։

Փաշինյանն իր էջում փոքրիկ տեսանյութ է հրապարակել այդ հանդիպումից։

Ավելի վաղ NEWS.am–ը հայտնել էր, որ Նիկոլ Փաշինյանը տիկնոջ՝ Աննա Հակոբյանի և դստեր հետ երկօրյա աշխատանքային այցով ժամանել է Ռուսաստանի Դաշնության Ալթայի Հանրապետություն:

Օդանավակայանում վարչապետ Փաշինյանին դիմավորել են Ալթայի Հանրապետության ղեկավար Անդրեյ Տուրչակը, Ալթայի Հանրապետության վարչապետ Ալեքսանդր Պրոկոպևը և Գորնի Ալթայի քաղաքապետ Օլգա Սաֆրոնովան։

Նիկոլ Փաշինյանն Ալթայի Հանրապետությունում կմասնակցի Բնության և շրջակա միջավայրի պաշտպանությանը նվիրված միջազգային համաժողովին։