Ռոբերտ Քոչարյանը ներկա է եղել դատական նիստին (ՏԵՍԱՆՅՈՒԹ)
ՀՀ 2-րդ նախագահ Ռոբերտ Քոչարյանը ներկա է կալանքի ժամկետը երկարացնելու միջնորդության քննությանը։ Այս մասին քիչ առաջ լրագրողների հետ զրույցում ասաց նրա պաշտպաններից Ռուբեն Սահակյանը, տեղեկացնում է NEWS.am կայքը։
«Պարոն Քոչարյանը ներկա է նիստին, անընդհատ խոսում է, լիքը բան է ասել։, ասում է, որ հիմարություն է ամեն ինչ։ Ապացուցվեց, որ գործը ջուր է» - ասաց Ռուբեն Սահակյանը։
Նշենք, որ միջնորդության քննությունը վերսկսվել է այսօր առավոտյան ժամը 10,00-ին։
Հիշեցնենք, որ հունվարի 18–ին առաջին ատյանի դատարանի որոշմամբ բավարարվել էր Հատուկ քննչական ծառայության քննիչի միջնորդությունը՝ Ռոբերտ Քոչարյանին կալանքի տակ պահելու ժամկետը երկարացնելու վերաբերյալ:
Դատարանի հիշյալ որոշման դեմ պաշտպանական խումբը վերաքննիչ բողոք էր ներկայացրել, որը սակայն Վերաքննիչ դատարանի փետրվարի 7-ի որոշմամբ՝ մերժվել էր: