ՄԱՍՆԱԳԻՏԱԿԱՆ ՆՐԲՈՒԹՅՈՒՆՆԵՐԸ

«Կոճերը փոխելու համար երկու«պատուհան» է հատկացվում՝ յուրաքանչյուրը 3,5 ժամ տևողությամբ: Իհարկե, հնարավոր է և մեկ օրվա ընթացքում աշխատանքը կատարել, բայց կա գնացքային իրավիճակ, երկաթուղին պետք է աշխատի առանց ընդհատումների», - ասում է «Հարավկովկասյան երկաթուղի» ընկերության Երևանի գծի ուղեմասի պետ Հրաչ Քևնակսզյանը: Ուղեմասի աշխատողներն այժմ փոխում են Արմավիր-Արաքս հատվածում գտնվող երկաթուղային կամուրջներից մեկի կոճերը:

Որոշ երկաթուղային կամուրջների կառուցվածքային առանձնահատկությունները (մետաղական կոնստրուկցիաներով հիմք ունեցող) թույլ չեն տալիս երկաթբետոնե կոճեր տեղադրել դրանց վրա, միայն փայտե: Երևանյան ուղեմասում ընդամենը չորս նման կամուրջ կա: Այս դեպքում տեղադրվում են ոչ թե սովորական փայտե կոճեր, այլ կամրջային գերաններ, որոնք սովորականներից ավելի երկար և խոշոր են: Բելառուսում գնվող կամրջային գերանների ծառայության ժամկետը 10 տարի է: Չի կարելի համեմատել երկաթբետոնե կոճերի հետ, դրանք ունեն մինչև 70 տարի շահագործման ժամկետ, սակայն այս կամրջի վրա դրանք անպիտան են երկաթե հիմքի պատճառով:

«Այս կամրջի երկարությունը 100 մետր է, երկու օրվա ընթացքում անհրաժեշտ է մոտ 200 գերան դնել, - պատմում է Քևնակսզյանը: - Եվ անհրաժեշտ է դրանք տեղադրել որակով՝ այս հատվածում արագությունը մինչև 100 կմ /ժամ է հասնում»:

Ընդհանուր առմամբ, «Երևան» գծի ուղեմասն ունի 196 կիլոմետր գծեր, որոնք աշխատանքային վիճակում է պահպանում Քևնակսզյանի գլխավորած ուղեմասը: Այս կիլոմետրերի գրեթե կեսն առանց ծայրակցվանքի են, ուղևորատար գնացքների փափուկ ընթացքն ապահովելու համար ռելսերը ծայրերով իրար են եռակցվում:

«Հաշվի առնելով ջերմաստիճանային մեր տատանումները` եռակցված ռելսի առավելագույն երկարությունը կազմում է 800 մ: Ավելի մեծ երկարությունը թույլ չի տա, որ ռելսերն ազատ կրճատվեն ու երկարեն սեզոնային ջերմաստիճանային տատանումների ժամանակ», - նշում է երկաթուղայինը:

Եվ իսկապես, մինչ բանվորները գերաննեն են տեղադրում, կողքին դրված ռելսերը Արմավիրի արևի տակ հասցրեցին այնքան տաքանալ, որ մեծ դժվարությամբ են վերադառնում իրենց տեղերը:

Այս իրավիճակը հաղթահարելու համար գծի աշխատողներն ունեն իրենց հնարքները, ինչպես նաև բազմաթիվ այլ նրբություններ՝ մի քանի հազար կոճեր փոխարինելու հարցում: Ըստ ծրագրի, միայն 2020 թվականին «Երևան» գծի ուղեմասի աշխատակիցները պետք է տեղադրեն 7 500 նոր կոճեր, որոնցից 4 500-ը՝ երկաթբետոնե: