Ավակով. Կիևը ռազմական օգնություն չի տրամադրի կողմերից որևէ մեկին

Ուկրաինայի ՆԳ նախարար Արսեն Ավակովը հայտարարել է, որ Կիևը ռազմական օգնություն չի տրամադրի ղարաբաղյան հակամարտության կողմերից որևէ մեկին:

«Ուկրաինան ռազմական օգնություն չի տրամադրի ադրբեջանա-հայկական հակամարտության կողմերից որևէ մեկին: Իսկ բժշկական օգնություն` չափազանց շատ հորինող պատգամավորների համար դեղահաբեր, պետք է փնտրել ամբողջ երկրով...»- գրել է Ավակովը Twitter-ում:

Ինչպես հաղորդվել էր ավելի վաղ, «Ժողովրդի ծառա» խմբակցության ուկրաինացի պատգամավոր Լյուդմիլա Մարչենկոն վստահ է, որ անհրաժեշտության դեպքում Ուկրաինան «կողքով չի անցնի» Ադրբեջանին ռազմական օգնություն տրամադրելու հարցում, տեղեկացնում է News.am-ը։