Առաջիկա օրերին Մոսկվայից Երևան մի շարք չվերթեր կկայանան

Հոկտեմբերի 9-18–ը «Nord Star» ավիաընկերությունը Մոսկվա–Երևան ուղղությամբ 6 թռիչք կիրականացնի։ Տեղեկությունը հայտնում է ՌԴ-ում Հայաստանի դեսպանությունը։

Թռիչքները կկայանան «Դոմոդեդովո» օդանավակայանից հոկտեմբերի 9-ին, 11–ին, 12–ին, 14-ին, 16-ին և 18-ին։

Հոկտեմբերի 14-ի թռիչքը կկայանա ժամը 13։00-ին, իսկ մյուսները` 15։00-ին։

Տեղեկություններ ստանալու և տոմսեր ամրագրելու համար կարելի է զանգել հետևյալ համարներով` +7 (495) 739 93 33, +7 (495) 739-95-55, +7(963)710-41-79 (Whatsap), 8 (800)100-57-58։

Տոմսերը վաճառվում են «Դոմոդեդովո» օդանավակայանի 85 և 94 դրամարկղերում, ընկերության գրասենյակի հասցեն է` Բալակլավսկի պողոտա 16, 2-րդ հարկ, գրասենյակ 3, մուտքը՝ Ստարոբալակլավսկայա փողոցի կողմից, տեղեկացնում է Sputnik Armenia-ն։