«Սատկացնել զուգարանում» և Շուշիի եկեղեցին. Ադրբեջանցի քաղաքագետը սկանդալ է առաջացրել (ՏԵՍԱՆՅՈՒԹ)
Ադրբեջանցի քաղաքագետ, ՏԱՍՍ–ի դիվանագիտական ենթակառուցվածքների հետ կապերի բաժնի ղեկավար Սաադատ Կադիրովան «Ռոսիա 24»–ի եթերում, խոսելով Շուշիի Սուրբ Ղազանչեցոց եկեղեցու վրա ադրբեջանական ԶՈՒ–ի հարձակման մասին, մեջբերել է Վլադիմիր Պուտինի հայտնի արտահայտությունը. «Սատկացնել զուգարանում»։ ՌԴ նախագահն այս արտահայտությունը մի քանի տարի առաջ ասել է ահաբեկիչների հետ պայքարի համատեքստում։
«Հայկական կողմն ասում է, որ զինվորները մտել են եկեղեցի` աղոթելու։ Հիմա, որքանով հասկանում եմ, օգտագործվում է քրիստոնեության կրոնական թեման։ Դուք ինձ կներեք` կա Պուտինի հայտնի արտահայտությունը. «Սատկացնել զուգարանում»։ Ադրբեջանի համար նրանք օկուպանտներ են, և որտեղ էլ որ լինեն, նրանց պետք է հետապնդել», – հայտարարել է Կադիրովան։
Այս համեմատությունն առաջացրել է ինչպես հաղորդավար Վլադիմիր Սոպովյովի, այնպես էլ հաղորդման մնացած մասնակիցների վրդովմունքը, բացառությամբ ադրբեջանցի փորձագետի։
Արձագանքելով Կադիրովայի ռեպլիկին` Սոլովյովն ընդգծել է, որ անընդունելի է եկեղեցին համեմատել զուգարանի հետ ու նշել է, որ Շուշիում գտնվող մարդիկ օկուպանտներ չեն։
«Դուք ընդհանրապես հասկանու՞մ եք` ինչ եք ասում», – հարցրել է լրագրող, Մոսկվայի պետական համալսարանի Հեռուստատեսության բարձրագույն դպրոցի դեկան Վիտալի Տերտյակովը։
«Հույս ունեմ, որ սա եթեր կհեռարձակվի», – հայտարարել է քաղաքագետ, Տնտեսագիտության բարձրագույն դպրոցի պրոֆեսոր Դմիտրի Եֆստավևը։
Հաղորդման մասնակիցների վրդովմունքին աջակցել են նաև օգտատերերն իրենց մեկնաբանություններում, տեղեկացնում է Newsarmenia.am-ը։