ԱՄՆ դեսպանությունը զգուշացրել է Բաքվում ահաբեկչությունների սպառնալիքի մասին

Ադրբեջանում ԱՄՆ դեսպանությունը նախազգուշացրել է իր քաղաքացիներին և մյուս արտասահմանցիներին Բաքվում, այդ թվում՝ հյուրանոցներում ահաբեկչությունների սպառնալիքի մասին:

«Բաքվում ԱՄՆ դեսպանությունը վստահություն ներշնչող հաղորդումներ է ստացել Բաքվում ԱՄՆ քաղաքացիների և օտարերկրացիների դեմ ուղղված հնարավոր ահաբեկչական գործողությունների և առևանգումների մասին»,- ասվում է դիվանագիտական առաքելության մամուլի հաղորդագրության մեջ:

Նշվում է, որ ահաբեկչությունները կարող են տեղի ունենալ JW Marriott Absheron հյուրանոցում և Բաքվի «այլ վայրերում»:

Դիվանագիտական առաքելությունը քաղաքացիներին խորհուրդ է տալիս զգոն լինել և խուսափել մարդկանց կուտակման վայրերից, տեղեկացնում է News.am-ը: