ՄԱԿ-ի ԱԽ հրատապ նիստում Ադրբեջանը կմտնի «Արցախը Ադրբեջանի մաս ճանաչելու դիմաց բացել Լաչինի ճանապարհը» առևտրի մեջ: Այս մասին այսօր՝ օգոստոսի 15-ին, ֆեյսբուքյան ուղիղ եթերի ժամանակ ասաց ՀՀ նախկին արտգործնախարար Վարդան Օսկանյանը։
Արցախում սովամահության դեպքն իրական է: Այս մասին ֆեյսբուքյան իր էջում գրել է նախկին ՄԻՊ Արման Թաթոյանը:
ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսն ու սենատոր Ալեքս Պադիլլան այսօր պաշտոնական նամակ են հղել ՄԱԿ–ի Անվտանգության խորհրդում ԱՄՆ մշտական ներկայացուցիչ Լինդա Թոմաս-Գրինֆիլդին Լեռնային Ղարաբաղի հարցով։ Այդ մասին նշված է Սենատի արտաքին հարաբերությունների հանձնաժողովի X–ի (նախկին` Twitter) միկրոբլոգում։
ՆԱՏՕ-ի գլխավոր քարտուղարի գրասենյակի ղեկավար Ստիան Յենսսենը չի բացառում, որ Ուկրաինան կարող է անդամակցել դաշինքին` տարածքի մի մասը Ռուսաստանին փոխանցելու դիմաց: Նրա խոսքերը մեջբերում է ՌԻԱ Նովոստին՝ հղում անելով Verdens Gang պարբերականին։
Ռուս-վրացական սահմանի «Վերին Լարս» մաքսակետի թողունակությունը օգոստոսի 17-26-ը հնարավոր է նվազի։ Ինչպես հայտնում է Ռուսաստանի Դաշնային մաքսային ծառայությունը (ԴՄԾ), թողունակության նվազումը կապված է վերանորոգման աշխատանքների հետ: Տեղեկությունը հայտնում է ՌԻԱ Նովոստին՝ հղում անելով գերատեսչության հաղորդագրությանը։
Արցախի Հանրապետության ԱԳՆ հայտարարություն է տարածել Ադրբեջանի տարածած ապատեղեկատվության կապակցությամբ.
Այսօր հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի և Ադրբեջանի արտաքին գործերի նախարար Ջեյհուն Բայրամովի միջև: Տեղեկությունը հայտնում է ՌԴ ԱԳՆ մամուլի ծառայությունը։ Նշվում է, որ հեռախոսազրույցը կայացել է ադրբեջանական կողմի նախաձեռնությամբ։
«Ադրբեջանը շահագրգռված է, որ ԼՂ խնդիրը լուծվի հնարավորինս շուտ, իսկ այդ լուծումը ԼՂ-ի՝ թե որպես հասկացություն, թե աշխարհագրական առումով չեզոքացնելն է»։ Նման գնահատական է հնչեցրել Պետդումայի ԱՊՀ և հայրենակիցների հարցերով հանձնաժողովի նախագահ Կոնստանտին Զատուլինը։
Հայաստանում ԵՄ դիտորդական առաքելությունը հեռացրել է նախորդ գրառումը և նոր հայտարարությամբ հաստատել, որ իրենց դիտորդները Գեղարքունիքի մարզում պարեկություն իրականացնելիս եղել են կրակոցների գոտում։
Օգոստոսի 15֊ին Ադրբեջանի ՊՆ և հատուկ ծառայությունների համակարգմամբ գործող մի շարք էլեկտրոնային լրատվամիջոցներ շարունակել են հրապարակել կեղծ տեսանյութեր, որտեղ իբր թե պատկերված են ՊԲ նոր մարտական դիրքերն ու սպառազինության և ռազմական տեխնիկայի փոխադրումը դեպի շփման գիծ։