Հուլիսի 25-ին Ռուսաստանի ԱԳ նախարար Սերգեյ Լավրովը Մոսկվայում բանակցություններ կվարի Հայաստանի և Ադրբեջանի արտգործնախարարների հետ, որոնց ընթացքում կքննարկվի Բաքվի և Երևանի միջև խաղաղության պայմանագրի նախապատրաստման հարցը։ Այս մասին հայտնում է ՌԴ ԱԳՆ մամուլի ծառայությունը։
ՌԴ նախագահի խոսնակ Դմիտրի Պեսկովը հայտարարել է, որ ՌԴ նախագահ Վլադիմիր Պուտինի և Թուրքիայի նախագահ Ռեջեփ Էրդողանի միջև շփում նախատեսված չէ, սակայն չի կարելի բացառել։
Իրանական հետախուզությունը երկուշաբթի ձերբակալել է իսրայելական խոշոր ահաբեկչական ցանցի անդամների, որոնք ավելի քան 40 ռումբ էին տեղափոխում և մի շարք ահաբեկչություններ էին նախապատրաստում հանրապետության տարածքում, ասվում է Իրանի տեղեկատվության (հետախուզության) նախարարության հայտարարության մեջ։
Եվրոպական խորհրդարանի գերմանացի պատգամավոր Մարտին Զոնեբորնի խոսքով` Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում ստեղծված իրավիճակն անտանելի և անընդունելի է։
Այսօր՝ հուլիսի 24-ին ԱՀ Առողջապահության նախարարության «Հանրապետական բժշկական կենտրոն» ՓԲԸ-ից 11 բուժառու ուղեկցողների հետ միասին, «Կարմիր խաչի» միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։
Իրանն աջակցում է Ադրբեջանի և Հայաստանի միջև խաղաղության բանակցությունների նոր փուլին։ Այս մասին հայտարարել է Իրանի ԱԳՆ ներկայացուցիչ Նասեր Քանանին՝ հայտնելով Կովկասում կայուն խաղաղություն հաստատելու Թեհրանի պատրաստակամությունը, հաղորդում է IRNA-ն։
Ադրբեջանի կողմից Արցախ-Հայաստան սահմանագծին գտնվող Հակարիի կամուրջը փակելու հետևանքով Շուշիի շրջանի Եղցահող, Հին Շեն, Մեծ Շեն և Լիսագոր համայնքների բնակիչները հայտնվել են լիակատար շրջափակման մեջ՝ կտրվելով թե մայրաքաղաք Ստեփանակերտ, թե Գորիս հասնելու հնարավորությունից։
Ինչպես արդեն հայտնել ենք, այսօր մի խումբ քաղաքացիներ Կոռնիձորից Հակարի կամուրջ տանող ճանապարհին փորձել են վրաններ տեղադրել՝ հաջակցություն շրջափակման մեջ գտնվող արցախցիների: Թեև իրավապահ մարմինների ներկայացուցիչներն ամեն կերպ փորձում էին խոչընդոտել, սակայն նրանց հաջողվել է վրան տեղադրել:
Արցախի Մարդու իրավունքների պաշտպան Գեղամ Ստեփանյանը Թվիթերի միջոցով դիմել է միջազգային կառույցների ղեկավարներին։
Ադրբեջանական կրակոցներ են արձակել Շոշ գյուղի վարչական տարածքում գյուղատնտեսական աշխատանքներ իրականացնող տրակտորի ուղղությամբ։ Տեղեկությունը հայտնում է Արցախի ներքին գործերի նախարարությունը։