Ալիեւն ասաց այն, ինչը մեզանից թաքցնում է նա, ում 2021 ընտրեց Հայաստանի բնակչության մեծամասնությունը: Այս մասին իր ֆեյսբուքյան էջում գրել է քաղաքագետ Ստեփան Դանիելյանը՝ մեկնաբանելով Ադրբեջանի նախագահի հայտարարությունը:
Քիչ առաջ կրկին հարձակվել են «ՀայաՔվեի» Մարտունու ներկայացուցիչների վրա: Այս մասին NEWS.am-ը տեղեկանում է նախաձեռնության ֆեյսբուքյան էջից։
«Հրապարակ» թերթը գրում է. ««Ապրելու երկիր» կուսակցությունը մտադիր է կրեատիվ քարոզարշավ իրականացնել Երևանում: Իհարկե, Մանե Թանդիլյանը վաղուց է այդ գործն անում, սակայն ավագանու ընտրությունների պաշտոնական քարոզարշավի ժամանակահատվածում որոշել են բում անել: Քարոզարշավի իդեոլոգներն ասում են, որ անգլիացի քաղտեխնոլոգներ են ժամանելու, և չի բացառվում, որ քարոզարշավին անձամբ Ռուբեն Վարդանյանը մասնակցի, ում անվան հետ, հիշեցնենք, կապում են այս կուսակցությունը։
Երեք տարի առաջ այս օրերին Տավուշի ուղղությամբ տեղային մարտեր էին ընթանում, որի ժամանակ 3-րդ բանակային կորպուսը, գեներալ Գրիգորի Խաչատուրովի հրամանատարությամբ, ջարդ տվեց ադրբեջանցիներին, գրել է ԱԺ պատգամավոր Տիգրան Աբրահամյանը։
Հակակոռուպցիոն դատարանը մերժեց ՀՀ երրորդ նախագահ Սերժ Սարգսյանի և նրա հարազատների ենթադրյալ ապօրինի ծագում ունեցող գույքի բռնագանձման գործի վարույթը կասեցնելու վերաբերյալ միջնորդությունը։ Այն ներկայացրել էր Սարգսյանի փաստաբան Վահագն Գրիգորյանը։
Հայաստանը միջազգային գործընկերներից ակնկալում է շարունակական աջակցություն ու կոնկրետ քայլեր՝ տարածաշրջանը ցնցումներից ու պատերազմից զերծ պահելու համար: Այս մասին Ֆրանսիայում` «Հանրապետականներ» խմբակցության ղեկավար Բրունո Ռըտայոյի հետ զրույցում ասել է ՀՀ ԱԺ նախագահ Ալեն Սիմոնյանը, հայտնում են ԱԺ մամուլի ծառայությունից։
Հուլիսի 12-ին՝ ժամը 09:00-ին, ադրբեջանական զինուժը Շուշիի շրջանում խախտել է հրադադարը՝ կիրառելով նաև 82 մմ տրամաչափի ականանետ։
Սյունիքի մարզի Տեղ գյուղի հատվածում ադրբեջանական կրակոցի հետևանքով հայ զինծառայող է վիրավորվել։ Տեղեկությունը հայտնում է ՀՀ ՊՆ մամուլի ծառայությունը։
Փաստաբանները հուլիսի 12-ին և 13-ին, հրաժարվելով Հայաստանի Հանրապետության պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց, կշարունակեն բողոքի ակցիան։ Տեղեկությունը հայտնում է ՀՀ փաստաբանների պալատը։
Թուրքիայի նախագահ Ռեջեփ Թայիփ Էրդողանն իր ամերիկացի գործընկերոջ` Ջո Բայդենի հետ հանդիպմանը հայտարարել է ԱՄՆ-ի հետ հարաբերությունների նոր փուլի մեկնարկի մասին: Հանդիպման կադրերը ցուցադրել է TRT հեռուստաալիքը: