ԵԽԽՎ սոցիալական, առողջապահության և կայուն զարգացման hարցերի հանձնաժողովի 2023 թվականի հունիսի 21-ի հերթական նիստում որոշում է կայացվել ևս մեկ տարով երկարաձգել ՀՀ ԱԺ պատվիրակության մշտական անդամ Արմեն Գևորգյանի մանդատը` որպես ԵԽԽՎ տեղական և տարածաշրջանային իշխանությունների հարցերով հիմնական զեկուցող:
2023թ. հունիսի 22-ին «Moody’s» վարկանիշային գործակալությունը վերահաստատել է Հայաստանի «Ba3» սուվերեն վարկանիշը՝ հեռանկարը փոխելով «բացասական»-ից դեպի «կայուն»: Ինչպես «Արմենպրես»-ը տեղեկանում է Ֆինանսների նախարարության տարածած հաղորդագրությունից, վարկանիշի հեռանկարի վերանայման հիմքում ընկած է գործակալության այն գնահատումը, որ Հայաստանի տնտեսական և հարկաբյուջետային հեռանկարները բարելավվել են, իսկ ռիսկերը հավասարակշռված են՝ համեմատած նախորդ վարկանիշի շնորհման (2022թ. մարտ) ժամանակ դեպի ներքև ռիսկերի գերակշռության հետ:
Հունիսի 22-ին` ժամը 19:25-ին, Մարտակերտի շրջանի Ճանկաթաղ գյուղի բնակիչ Զորի Առաքելյանը (ծնված 1983թ.), զանգահարել է շրջանային բաժնի հերթապահ մաս և հաղորդել, որ ադրբեջանական դիրքից անկանոն կրակահերթ են արձակել իրենց տան ուղղությամբ։ Այս մասին հայտնում են ԱՀ ՆԳՆ ոստիկանությունից:
Թուրքական «Baykar» ընկերությունը նախատեսում է 2025 թվականին Ուկրաինայում սկսել մարտական Bayraktar TB2 և Bayraktar Akinci անօդաչու թռչող սարքերի արտադրությունը։ Այս մասին հայտարարել է ընկերության գլխավոր տնօրեն Հալուք Բայրաքթարը։
Ադրբեջանը Բերձորի Սուրբ Համբարձման եկեղեցին վերածում է մզկիթի։ Այս մասին Արցախի Հանրապետության Պատմական միջավայրի պահպանության պետական ծառայությունը՝ հավելելով. «Պատմության բռնայուրացում, մշակութային ինքնության ոչնչացում, կրոնական անհանդուրժողականություն, կեղծում»:
Հունիսի 22-ի ժամը 12:50-ից ժամը 22։45- ն ընկած ժամանակահատվածում Ադրբեջանի ԶՈւ-ն շփման Ասկերանի, Մարտունու և Մարտակերտի շրջանների ուղղությամբ խախտել է հրադադարը կիրառելով հրաձգային զենք։ Այս մասին NEWS.am-ը տեղեկանում է ԱՀ ՊՆ մամուլի ծառայությունից։
Հայաստանում ՌԴ Հարավային ռազմական օկրուգի ռազմատրանսպորտային Մի-8ՄՏՎ-5 ևբանակային ավիացիայի Կա-52 հետախուզական-հարվածային ուղղաթիռների անձնակազմերը և ՌԴ ՊՆ Հարավային ռազմական օկրուգի ռազմակայանի օպերատիվ-մարտավարական ավիացիայի ՄիԳ-29 բազմաթիրախային կործանիչների օդաչուներն ուսումնամարզական թռիչքներ են իրականացրել: Տեղեկությունը հայտնում է Հարավային ռազմական օկրուգի մամուլի ծառայությունը։
Այս տարի մեկ տարի է անցել Ուկրաինա Ռուսաստանի ներխուժման սկզբից։ Այս մասին հայտարարել է Ադրբեջանում Մեծ Բրիտանիայի դեսպան Ֆերգուս Օուլդը։
Ատլանտյան օվկիանոսում անհետացած «Տիտան» բատիսկաֆի ողջ անձնակազմը զոհվել է, հայտարարել է OceanGate Expeditions ընկերության սարքի սեփականատերը։ Այս մասին հայտնում է ՌԻԱ Նովոստին։
ԵԽԽՎ-ն քվեարկությամբ ընդունել է «Լաչինի միջանցքով ազատ ու անվտանգ մուտքի ապահովումը» բանաձևը, որում հստակ ասվում է, թե Լաչինի միջանցքով չկա ազատ և անվտանգ տեղաշարժ։ Այս մասին իր ֆեյսբուքյան էջում գրել է ԵԽԽՎ պատվիրակության ղեկավար, ԱԺ փոխխոսնակ Ռուբեն Ռուբինյանը։