Այս իրավիճակում մենք բոլորս նույն նավակի մեջ ենք՝ անկախ անձի կարգավիճակից։ Պետք է թողնել ամեն ինչ և պաշտպանել Հայրենիքը։ Եթե մենք բոլորս համախմբվենք հստակ ձևակերպված գաղափարի շուրջ, որը ոչ ոք չի խախտի, ապա ես խնդիր չեմ տեսնում։ Այս մասին NEWS.am-ի «Ուժի գործոն» հաղորդման եթերում ասաց Լեռնային Ղարաբաղի նախկին պետնախարար Ռուբեն Վարդանյանը՝ պատասխանելով Սամվել Բաբայանի հետ հնարավոր համագործակցության մասին հարցին։
Արցախի Հանրապետության Ազգային ժողովի լրատվության և հանրության հետ կապերի բաժնի մեկնաբանություն է տարածել Ադրբեջանի նախագահի մայիսի 28-ի հայտարարության վերաբերյալ։
Ալիևն իր հայտարարությամբ ցույց տվեց, որ այն գաղափարը, որը կա Հայաստանում, որ Արցախը կարող է դառնալ Ադրբեջանի մաս և հետո արդեն Արցախի հայերը ներսում կփորձեն պայքարել իրենց իրավունքների համար, չի կարող իրականանալ։ Քանի որ հստակ ասված էր, որ Արցախի հայեր չկան, նրանք, Ադրբեջանի նախագահի կարծիքով, պետք է ներողություն խնդրեն ողորմածության հույսով, ինչը կարող է և չլինել։ Ալիևը կոչ է անում հանձնվել և ենթարկվել։ Այս մասին NEWS.am-ի «Ուժի գործոն» հաղորդման եթերում ասաց Լեռնային Ղարաբաղի նախկին պետնախարար Ռուբեն Վարդանյանը։
Հայաստանի իշխող ուժը ոչ թե մի քանի շաբաթների, այլ նույնիսկ մի քանի տարիների ընթացքում շատ վտանգավոր հայտարարություններ է անում՝ փորձելով տարանջատել արցախահայությանը հայաստանաբնակներից՝ դա հիմնավորելով Հայաստանը փրկելու նպատակներով։ Այս մասին NEWS.am-ի «Ուժի գործոն» հաղորդման եթերում ասաց Լեռնային Ղարաբաղի նախկին պետնախարար Ռուբեն Վարդանյանը։
ԵԱՀԿ դիտորդները համատեղ հայտարարությամբ հրաժարվել են Թուրքիայի նախագահական ընտրությունները որակել որպես «արդար և ազատ»։
Եվրոպայի կենտրոնում մեծ պայթյուն է հասունանում՝ այն նույն տեղում, որտեղ 1999թ․ ՆԱՏՕ-ն ագրեսիա է իրականացրել՝ ընդդեմ Հարավսլավիայի՝ խախտելով ԵԱՀԿ փաստաթղթերն ու Հելսինկյան եզրափակիչ ակտի սկզբունքները։ Այդ մասին, gazeta.ru-ի փոխանցմամբ, ասել է ՌԴ արտգործնախարար Սերգեյ Լավրովը՝ լրագրողների հետ ճեպազրույցում։
ՀՀ վարչապետ Նիկոլ Փաշինյանին ուղեկցող ոստիկանները հասարակական կարգն են պահպանում։ Այսօր Ազգային ժողովում պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում հայտարարեց ՀՀ ներքին գործերի նախարարության գլխավոր քարտուղար Արա Ֆիդանյանը։
Հայաստանի վարչապետ Նիկոլ Փաշինյանին հունիսի 7-9-ը Մոսկվայում կընդունի Ռուսաստանի Դաշնության վարչապետ Միխայիլ Միշուստինը: Այս մասին «Հայաստանի և Ռուսաստանի պատկերների փոխադարձ ընկալումը» կլոր սեղանի ժամանակ հայտարարել է ՌԴ ԱԳՆ ԱՊՀ երկրների 4-րդ վարչության փոխտնօրեն Սերգեյ Պալտովը, գրում է alphanews.am-ը։
Ռուսաստանի հետ զինված հակամարտության դեպքում Վրաստանը կմնա միայնակ, և ոչ ոք նրա համար չի պայքարի, ինչպես Ուկրաինայի դեպքում։ ՏԱՍՍ-ը գրում է, որ այդ մասին երկուշաբթի օրը վրացական Kviris Palitra թերթին տված հարցազրույցում հայտարարել է հանրապետության խորհրդարանի խոսնակ Շալվա Պապուաշվիլին՝ բացատրելով, թե ինչու Թբիլիսին չի ծրագրում միանալ Մոսկվայի դեմ պատժամիջոցներին։
Իրանի Արևմտյան Ադրբեջան նահանգում ոչնչացվել է իսրայելական խմբավորումների հետ կապված ահաբեկչական խմբավորումը, հայտնում է Mehr-ը։