Հասարակական-քաղաքական գործիչ, Արցախի նախկին պետնախարար Ռուբեն Վարդանյանն այս շաբաթվա ընթացքում հանդիպումներ է ունեցել Ասկերանի շրջանի Սարուշեն, Նախիջևանիկ, Վարդաձոր, Սառնաղբյուր և Մարտունու շրջանի Ճարտար համայնքներում, բնակչությանը տեղեկացրել վերջին ամիսներին Արցախի ապագայի տեսլականի ձևավորման ուղղությամբ կատարած աշխատանքների, «Արցախի անվտանգության և զարգացման ճակատ» հանրային շարժման ստեղծման նպատակների մասին:
Հայաստան ներմուծված 1 տոննա կոկաինի հասցեատերը բանանի ներկրմամբ զբաղվող հայտնի ընկերություն է, որի սեփականատերը ԱԺ նախկին պատգամավոր է և այժմ գտնվում է հետախուզման մեջ։ Այսօր Ազգային ժողովում կառավարության հետ հարցուպատասխանի ժամանակ այս հայտարարությունն արեց Նիկոլ Փաշինյանը` պատասխանելով ՔՊ խմբակցության պատգամավոր Արմեն Խաչատրյանին այն հարցին, թե արդյոք նորություն կա 1 տոննա կոկաինի գործով։
Թուրքիայի ԱԳ նախարար Մևլութ Չավուշօղլուն կրկին սպառնացել է Հայաստանին «Նեմեսիսի» հուշարձանի տեղադրման հետ կապված։
Մաքսանենգ ճանապարհով Հայաստանի Հանրապետություն ներմուծված կոկաին տեսակի շուրջ մեկ տոննա քաշով թմրամիջոցի գործով մեկ անձ է ձերբակալվել։ Տեղեկությունը հայտնում է ԱԱԾ մամուլի ծառայությունը։
ԵԱՏՄ երկրները փաստացի անցել են ազգային արժույթներով հաշվարկների, նրանց մասնաբաժինն այս տարվա մարտին կազմել է 90 տոկոս, ասել է ՌԴ կառավարության փոխվարչապետ Ալեքսեյ Օվերչուկը, փոխանցում է ՌԻԱ Նովոստին։
Արդեն 6–րդ օրն է` Նուբարաշենի աղբավայրում հրդեհաշիջման աշխատանքներ են ընթանում, դեռևս առկա են ծխացող օջախներ։ Տեղեկությունը հայտնում է ՀՀ ներքին գործերի նախարարության փրկարար ծառայությունը։
Ազգային ժողովի նախագահ Ալեն Սիմոնյանը խորհրդարանում տեղի ունեցած քաշքշուկի համար նախազգուշացում է հայտարարալ իշխող «Քաղաքացիական պայմանագրի» պատգամավոր Հովիկ Աղազարյանին և ընդդիմադիր «Հայաստան» դաշինքի պատգամավոր Արթուր Սարգսյանին:
2008-ին մեզ մոտ պատերազմ էր, հիշում եք մեկին, ով Ռուսաստանի դեմ պատժամիջոցներ է սահմանել, մեր պատերազմը պատերազմ չէ, բայց Ուկրաինայում պատերազմը պատերա՞զմ է: Որտեղ է տրամաբանությունը։ Այս մասին հայտարարել է Վրաստանի վարչապետ Իրակլի Ղարիբաշվիլին՝ ելույթ ունենալով Կատարի տնտեսական համաժողովի ամենամյա պանելային քննարկման ժամանակ, հաղորդում է վրացական Առաջին ալիքը։
Ռուսաստանը ՀԱՊԿ-ի գործունեությունը համարում է շատ արդյունավետ և այդ առումով իրեն լավ դրսևորած։ Սակայն յուրաքանչյուր երկիր ունի կառույցի գործունեությունը գնահատելու իր իրավունքներն ու հնարավորությունները։ Տեղեկությունը ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Երևանից ՌԴ-ի և ՀԱՊԿ-ի հասցեին հնչող քննադատությունների մասին հարցին, և հարցին, թե արդյոք Ռուսաստանը դիտարկում է այն սցենարը, որի դեպքում իրեն կխնդրեն լքել Հայաստանի ռազմակայանը:
Ռուսաստանը Հայաստանի վարչապետ Նիկոլ Փաշինյանի հայտարարությունը դիտարկում է որպես 2022 թվականի հոկտեմբերի 7-ին Պրահայում Հայաստանի, Ադրբեջանի, Ֆրանսիայի և ԵՄ առաջնորդների մասնակցությամբ կայացած հանդիպման ժամանակ նրա ներկայացրած դիրքորոշման հաստատում։ Այսօր ճեպազրույցի ժամանակ այս հայտարարությունն արեց Ռուսաստանի ԱԳՆ ներկայացուցիչ Մարիա Զախարովան՝ մեկնաբանելով Նիկոլ Փաշինյանի հայտարարությունը։