Հայաստանի կառավարությունը և ռուսական «Ռոսատոմ» պետական կորպորացիան քննարկում են Մեծամորի ԱԷԿ-ի շահագործման ժամկետի կրկնակի երկարաձգման նախագիծը։ ՀՀ տարածքային կառավարման և ենթակառուցվածքների նախարար Գնել Սանոսյանը ֆեյսբուքյան իր էջում հայտնում է, որ այդ հարցը քննարկվել է «Ռոսատոմի» գլխավոր տնօրենի տեղակալ Նիկոլայ Սպասսկիի գլխավորած պատվիրակության հետ հանդիպմանը։
Աշխարհի տարբեր վայրերից Երևան ժամանած իրավաբանները և միջազգային իրավունքի փորձագետները «Մարդու իրավունքներ և հաշվետվողականություն. ճանապարհ՝ Լեռնային Ղարաբաղին (Արցախ) ընդառաջ» խորագրով միջազգային երկրորդ համաժողովի շրջանակում կքննարկեն Արցախի 44-օրյա պատերազմի զոհերի միջազգային արդարության հասանելիությունը և ուղիները: Քննարկումները կտևեն երեք օր:
Միացյալ Թագավորության Համայնքների պալատում մայիսի 2-ին տեղի է ունեցել քննարկում/հարցադրումներ խորհրդարանականների կողմից՝ ուղղված Ֆորին Օֆիսի ղեկավար Ջեյմս Քլևերլիին և Եվրոպայի հարցերով նախարար Լեո Դոհերթիին։
Այսօր՝ մայիսի 3-ին, կրակոցներ են հնչել Երևանում։ Ժամը 11։30-ի սահմաններում ՀՀ Ներքին գործերի նախարարության ոստիկանության Մալաթիայի բաժին ահազանգ է ստացվել, որ «Մխիթար Սեբաստացի» կրթահամալիրում կրակոցներ են հնչել։
Մայրաքաղաքի իշխանությունները արգելել են քաղաքում բոլոր անօդաչու թռչող սարքերի (ԱԹՍ) թռիչքները, բացառությամբ նրանց, որոնք անհրաժեշտ են պետական կարիքների համար։ Համապատասխան արձանագրությունը ստորագրվել է Մոսկվայի օպերատիվ շտաբի նիստի ժամանակ, չորեքշաբթի ՏԱՍՍ-ին հայտնել են մայրաքաղաքի քաղաքապետարանում։
Թուրքիայի ԱԳ նախարար Մևլութ Չավուշօղլուն պարզաբանել է հայկական օդանավերի համար Թուրքիայի օդային տարածքը փակելու պատճառը։ Թուրքական Haberturk–ի փոխանցմամբ՝ Թուրքիայի ԱԳ նախարար Մևլութ Չավուշօղլուն հայտարարել է, թե Թուրքիայի համար անընդունելի է, որ Հայաստանում մեծարում են 1920–ականներին թուրքերիմ և ադրբեջանցիներին սպանողներին և հուշարձան տեղադրում։ Նա սպառնացել է, որ եթե նման բաները շարունակվեն, բացի օդային սահմանները փակելուց, այլ միջոցներ էլ կձեռնարկվեն Հայաստանի դեմ։
Արցախի Հանրապետության արտաքին գործերի նախարար Սերգեյ Ղազարյանը մայիսի 2-ին Հայաստանի Հանրապետությունում ԱՀ մշտական ներկայացուցչությունում ընդունել է Ֆրանսիայի Օ-դը-Ֆրանս շրջանի նախագահ Գզավիե Բերտրանի գլխավորած պատվիրակությանը։
«Կարծում եմ, որ խաղաղության օրը չի մոտենում, քանի որ այն, ինչ արեց Ադրբեջանը, հակառուսական է: Նրանք ամեն կերպ ցանկանում են չեղարկել և վերացնել նոյեմբերի 9-ի համաձայնագիրը, որը ստորագրվել է ՌԴ-ի մասնակցությամբ»,-РБК-ին տված հարցազրույցում ասաց Արցախի հանրապետության նախկին պետնախարար Ռուբեն Վարդանյանը՝ պատասխանելով հարցին, թե արդյո՞ք ԱՄՆ-ում խաղաղության համաձայնագրի ճանապարհային քարտեզի քննարկումները խաղաղության օրը մոտեցնում են:
Երկու անօդաչու թռչող սարքեր թիրախավորել են Կրեմլը: Այս մասին հայտնում է Կրեմլի մամուլի ծառայությունը:
Չավուշօղլուի հայտարարությունից հետո Թուրքիայի օդային տարածքը հայկական օդանավերի համար փակելու մասին, Խաչատուր Սուքիասյանն ունի բոլոր բարոյական իրավունքները իր FlyOne-ի օդանավի մեջ լցնելու ողջ իշխանությունը՝ իր ղեկավարով հանդերձ, և տանելու իջեցնելու ոչ եվրոպական որևէ վայրում, ասենք սուբսահարյան գոտում։ Էն իշխանությանը, որը երկրաշարժից հետո մեկ փրկարար ջոկատ Թուրքիա ուղարկելով հրճվանքով կարծում էր, թե այդպես են լուծվում միջպետական հարցերը։ Այս մասին գրել է Այլընտրանքային նախագծեր խմբի համահիմնադիր Վահե Հովհաննիսյանը: