Նշաններ չկան, որ Միացյալ Նահագներ մտադիր է կրճատել կամ ամբողջությամբ դուրս բերել իր զորքերը Եվրոպայից: Ըստ գերմանական Deutsche Welle պարբերականի՝ Ուկրաինայի հարցով Դոնալդ Թրամփի հատուկ բանագնաց Քիթ Քելլոգի հետ Վարշավայում կայացած բանակցություններից հետո հայտարարել է Լեհաստանի նախագահ Անջեյ Դուդան։
Ռուսաստանի և ԱՄՆ-ի պատվիրակությունները Էր Ռիադում կայացած հանդիպման ժամանակ պայմանավորվել են երկխոսություն հաստատել տնտեսության, այդ թվում՝ էներգետիկայի և տիեզերքի ոլորտում համագործակցության վերականգնման շուրջ:
Բաքվում անցկացվող «դատավարությունում» ավարտվել է Արցախի ռազմաքաղաքական ղեկավարների նկատմամբ մեղադրական ակտի հրապարակումը, հայտնում են ադրբեջանական ԶԼՄ-ները։
ՌԴ-ի և ԱՄՆ-ի նախագահներ Վլադիմիր Պուտինի և Դոնալդ Թրամփի հնարավոր հանդիպումը քննարկվել է Էր Ռիադում ռուս-ամերիկյան բանակցությունների ժամանակ, սակայն այն հազիվ թե տեղի ունենա հաջորդ շաբաթ: «Արմենպրես»-ի փոխանցմամբ՝ այս մասին հայտարարել է Ռուսաստանի նախագահի օգնական Յուրի Ուշակովը։
Կոմունիկացիաների համար պայքարը ոչ սկսվել է 21-րդ դարով, ոչ էլ ավարտվելու է։ Համաշխարհային պատմությունը վաղուց է հյուսվել ճանապարհային, լոգիստիկ և ջրային ուղիների շուրջ։ Մետաքսի ճանապարհի վրա վերահսկողության շուրջ ստեղծված կայսրություններից մինչև նացիստական Գերմանիայի կողմից Լեհաստանի վրա հարձակման առիթ դարձած Դանցինգի միջանցք, Պունիկյան պատերազմներից մինչև սևծովյան նեղուցների համար պայքար, Սուեզի պատերազմից մինչև Ֆրանսիայի կողմից Լուիզիանայի վաճառքը Միացյալ Նահանգներին և ռուս-շվեդական պատերազմ։
Հանրային տրասպորտի վարորդը, իր աշխատանքային պայմանագրից ելնելով, իրավունք չունի ուղևորին ինչ–որ բան հարկադրել, այդ թվում ուղեվարձի վճարումը կամ ավտոբուսից իջնելը կամ հարկադիր չվարելը։ Այս մասին լրագրողների հետ զրույցում հայտարարեց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը, ներկայացնելով վարորդների և «Երևանի ավտոբուս» ՓԲԸ–ի միջև կնքված պայմանագիրը։
Ռուսաստանի արտաքին գործերի նախարար Սերգեյ Լավրովն ու ԱՄՆ պետքարտուղար Մարկո Ռուբիոն Էր Ռիադում կայացած բանակցությունների ժամանակ պայմանավորվել են ուկրաինական հակամարտության շուտափույթ կարգավորման ուղղությամբ աշխատանքներ սկսելու համար նշանակել բարձր մակարդակի թիմեր, հաղորդում է Reuters գործակալությունը՝ վկայակոչելով Պետդեպարտամենտի ներկայացուցչին:
Ուկրաինայի նախագահ Վլադիմիր Զելենսկին նշել է Ուկրաինայի տարածքային ամբողջականության կարևորությունը և վերահաստատել ԱՄՆ-ից, եվրոպական երկրներից և Թուրքիայից անվտանգության երաշխիքների պահանջը։
«Մենք չենք ունեցել և մինչև այսօր չունենք համահայկական կոնցեպտ՝ Լեռնային Ղարաբաղի հանրապետության և Լեռնային Ղարաբաղի հիմնահարցի վերաբերյալ մեր սեփական մոտեցումները, կոնցեպտ, որով հանդես կգայինք միջազգային հանրության առջև»։ Այս մասին այսօր՝ փետրվարի 18-ին «Արցախ. Ցեղասպանություն, գաղթ, գոյապայքար» թեմայով գիտաժողովի ժամանակ ասաց Հայաստանի դեմոկրատական կուսակցության նախագահ Արամ Սարգսյանը։
Ռուսաստանի արտգործնախարար Սերգեյ Լավրովի և ԱՄՆ պետքարտուղար Մարկո Ռուբիոյի` Էր Ռիադում կայացած բանակցությունների արդյունքների վերաբերյալ առաջին մեկնաբանություններն են հնչել։