ԱՄՆ Մերիլենդ նահանգի դաշնային դատավորը չորեքշաբթի համազգային կարգադրություն է հրապարակել ընդդեմ նախագահ Դոնալդ Թրամփի գործադիր հրամանի, որի նպատակն է սահմանափակել ԱՄՆ-ում ծնված երեխաների քաղաքացիության իրավունքները, հայտնում է Reuters-ը:
Իրանում ՀՀ Դեսպան Գրիգոր Հակոբյանը հանդիպել է ԻԻՀ գլխավոր շտաբի պետի՝ միջազգային հարցերով տեղակալ, բրիգադի գեներալ Մոհամմադ Ահադիի հետ: Հայտնում են դեսպանությունից:
Նշված անուն-ազգանունով քաղաքացի չի սպասարկվել Միգրացիայի և քաղաքացիության ծառայության Նոր Նորքի ստորաբաժանումում: Այս մասին հաղորդագրություն է տարածել ՀՀ ներքին գործերի նախարարության մամուլի ծառայությունը՝ հերքելով սոցցանցերում ու լրատվամիջոցներում տարածված տեղեկությունները։
Դոնալդ Թրամփը հրամանագիր է ստորագրել, որով պատժամիջոցներ են սահմանվում Միջազգային քրեական դատարանի նկատմամբ՝ մեղադրելով նրան ԱՄՆ-ի և նրա ամենամոտ դաշնակիցների՝ առաջին հերթին Իսրայելի նկատմամբ անօրինական թիրախավորման մեջ։
Փետրվարի 6-ին, ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչը միջնորդություն է ներկայացրել Երևան քաղաքի ընդհանուր իրավասության քրեական դատարան, որպեսզի դատարանը որպես խափանման միջոց երկամսյա կալանքի որոշում կայացնի Լիտվայի Հանրապետության քաղաքացի 36-ամյա Լուկաս Ռևինսկասի, ՌԴ քաղաքացիներ 20-ամյա Գեորգի Րադգինի, 20-ամյա Սավելիյ Բիրյուկովի, 27-ամյա Նիկիտա Վոլչենկովի, 19-ամյա Ստեփան Սայի նկատմամբ, ովքեր բռնվել էին Հայաստանի սահմանում՝ Բագատաշենի անցակետից, երբ փորձել էին լքել ՀՀ տարածքը:
Վրաստանում ԱՄՆ դեսպանատունը և ԱՄՆ Միջազգային զարգացման գործակալությունն, ինչպես նաև NED-ը և այլ կառույցները համատեղ գործել են վրաց ժողովրդի և վրացական պետության դեմ։
Ամենայն հավանականությամբ, Բաքուն որոշել է ճնշում գործադրել Մոսկվայի վրա, որը հրաժարվում է ստանձնել դեկտեմբերի 25-ին Գրոզնիում AZAL մարդատար ինքնաթիռի խոցման պատասխանատվությունը, գրում է ադրբեջանական Turan լրատվամիջոցը՝ մեկնաբանելով երկրում «Ռոսսոտրուդնիչեստվոյի» գրասենյակը փակելու մասին Ադրբեջանի որոշումը։
Հայաստանն ու Իրանն իրար կապող նոր կամրջի կառուցման նախագծային աշխատանքներն ավարտվել են։ Իսլամական հեղափոխության հաղթանակի 46-րդ տարեդարձի կապակցությամբ հրավիրված մամուլի ասուլիսի ժամանակ այս մասին ասաց Հայաստանում Իրանի դեսպան Մեհդի Սոբհանին։
ԱՄՆ նախագահ Դոնալդ Թրամփի վարչակազմի կողմից Իրանի վրա գործադրվող ճնշումները կազդեն նաև Հարավային Կովկասում տիրող իրավիճակի վրա, որտեղ Ամերիկայի առաջնային աջակիցը նրա քաղաքականության մեջ կարող է լինել Ադրբեջանը: Sputnik Արմենիայի հետ զրույցում նման կարծիք է հայտնել քաղաքագետ, արևելագետ Սերգեյ Մելքոնյանը։
Մենք որևէ ստրատեգիական հետաքրքրություն չենք ներկայացնում ԱՄՆ-ի համար, երկրորդը՝ մենք այնտեղ դիվանագիտություն չունենք, պրոֆեսիոնալ դիվանագետներ չունենք, փողոցից եկած մարդիկ են, որոնք երևի չեն հասկանում, որ այսպիսի այցը վերջին պահին չեն կազմակերպում, ամիսներ առաջ պետք էր արդեն պայմանավորվածություն ունենալ՝ ում հետ եք հանդիպում, որտեղ եք գնում և այլն։ Այս մասին News.am-ի հետ զրույցում նշեց քաղաքագետ Արթուր Խաչիկյանը՝ անդրադառնալով հարցին, թե ինչու Նիկոլ Փաշինյանին ԱՄՆ-ում ոչ Թրամն ընդունեց, ոչ պետքարտուղարը: