«Բաքվում գտնվող միջազգային լրատվամիջոցների ներկայացուցիչներին և COP29-ի մասնակից պաշտոնյաներին կոչ եմ անում այցելել հայ գերիներին, պատանդներին ու քաղբանտարկյալներին և պահանջել նրանց անհապաղ ազատ արձակումը», - այսօր ՄԱԿ-ի հայաստանյան գրասենյակի դիմաց բողոքի ակցիայի ժամանակ հայտարարել է հայտնի էկոակտիվիստ Գրետա Թունբերգը։
Ռուսաստանը շահագրգռված է Հայաստանի շուկա ագրարային արտադրանքի արտահանումը ավելացնելու հարցում՝ ցորենի, հրուշակեղենի, արևածաղկի ձեթի և մի շարք այլ ապրանքների մատակարարման հաշվին։ Այս մասին հայտնում է Ռուսաստանի գյուղատնտեսության նախարարության մամուլի ծառայությունը։
Ադրբեջանում ՄԱԿ-ի COP29-ի կլիմայի շուրջ բանակցությունները «այլևս նպատակին չեն համապատասխանում» և հրատապ վերանայման կարիք ունեն, ասել են առաջատար փորձագետները, այդ թվում՝ ՄԱԿ-ի նախկին գլխավոր քարտուղարը և ՄԱԿ-ի կլիմայական ծառայության նախկին ղեկավարը:
Աբխազիայի իշխանությունները կկատարեն Ռուսաստանի հետ ներդրումային համաձայնագրի վավերացման դեմ բողոքող ցուցարարների պահանջները: Ինչպես հայտնում է Sputnik Աբխազիան, հանրապետության ղեկավարի վարչակազմը փաստաթուղթ է պատրաստում Ռուսաստանի հետ համաձայնագրի վավերացման մասին օրինագիծը խորհրդարանից հետ կանչելու մասին:
Երևանում կայացել է ԵԱՏՄ ագրոարդյունաբերական քաղաքականության խորհրդի հինգերորդ նիստը, որը վարել է խորհրդի նախագահ, ՀՀ էկոնոմիկայի նախարար Գևորգ Պապոյանը։ Տեղեկությունը հայտնում է էկոնոմիկայի նախարարության մամուլի ծառայությունը։
«COP 29-ի անցկացումը Բաքվում համաշխարհային քաղաքականության տապալում է, որովհետև մի երկիր, որը ցեղասպանություն է իրականացրել և էթնիկ զտման է ենթարկել 150 հազար արցախցիների, չի կարող լինել քաղաքակիրթ աշխարհի ներկայացուցիչ»։ Այս մասին այսօր՝ նոյեմբերի 15-ին, ՄԱԿ–ի Հայաստանյան գրասենյակի դիմաց տեղի ունեցած բողոքի ակցիայի ժամանակ ասաց ակտիվիստ Մարգարիտա Քյարամյանը։
Նիկոլի երեկվա ելույթը Հայաստանի Երրորդ հանրապետության ցիկլի ավարտի ու Չորրորդ հանրապետության գաղափարական ու ծրագրային մեկնարկի ազդարարման մասին էր, որի ներքո էլ խորհրդանշական քայլ էր նրա սափրվելը:
Դատելով արցախցիներից ստացած հետադարձ կապից՝ բազմաթիվ մարդիկ դեռևս զբաղվածության համապատասխան մակարդակի չեն եկել, և անգամ նրանք, ովքեր եկել ենք այդ մակարդակին, հարց են տալիս, ասում են՝ աշխատանքից ստացած գումարը կա՛մ պետք է ուտեմ, կա՛մ վճարեմ բնակարանի վարձ։ Այս մասին այսօր՝ նոյեմբերի 15-ին կայացած ասուլիսի ժամանակ ասաց Արցախի մարդու իրավունքների պաշտպան Գեղամ Ստեփանյանը՝ խոսելով Արցախից բռնի տեղահանված անձանց տրամադրվող աջակցության ծրագրում իրականացվելիք փոփոխությունների մասին։
Սուխումում ցուցարարները տապալել են կառավարական շենքերի համալիրի ցանկապատը։ Տեղեկությունը հայտնում է Sputnik Աբխազիան: Նրանք ճեղքել են ուժայինների շղթան և մտել նախագահի նստավայրի և խորհրդարանի շենքի տարածքներ։
Աբխազիայի խորհրդարանի շենքի մոտ ցուցարարների մոտ են դուրս եկել Պետական անվտանգության ծառայության ղեկավարը և ներքին գործերի նախարարը։ Ցուցարարները շրջափակել են խորհրդարանի ու նախագահի աշխատակազմի շենքերը։