Մենք այստեղ ենք մեկ պահանջով՝ թույլ չտալ Բաքվի բանտերում գտնվող հայ գերիների խայտառակ դատավարությունները: Այս մասին այսօր՝ հոկտեմբերի 11-ին, Երևանում ՌԴ դեսպանատան դիմաց ակցիայի ժամանակ ասաց ՀՀ Մարդու իրավունքների նախկին պաշտպան Լարիսա Ալավերդյանը, ով ելույթ ունեցավ ռուսերենով:
Հոկտեմբերի 9-10-ը Բեռլինում տեղի են ունեցել ՀՀ-ԳԴՀ երկկողմ պաշտպանական խորհրդակցությունները, որոնց մասնակցել է ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի գլխավորած պատվիրակությունը։
Եվրախորհրդարանի պատգամավոր Նատալի Լուազոն տեղեկացրել է, որ իր նախաձեռնությամբ Եվրախորհրդարանը հնարավոր է Ադրբեջանում կայանալիք COP29-ի հարցով բանավեճ անցկացնի:
Իրանի նախագահ Մասուդ Փեզեշքիանը հայտարարել է համաշխարհային ասպարեզում Իրանի և Ռուսաստանի դիրքորոշումների մոտ լինելու մասին: Այդ մասին նա ասել Է «Ժամանակների և քաղաքակրթությունների փոխկապակցվածությունը խաղաղության և զարգացման հիմքն է» միջազգային համաժողովին, որը տեղի է ունեցել Թուրքմենստանում։ Նրա խոսքերը մեջբերում է ՌԻԱ Նովոստին՝ վկայակոչելով Իրանի նախագահի պաշտոնական կայքը։
Հայաստանում Եվրամիության քաղաքացիական դիտորդական առաքելությունը հյուրընկալել է ԱՄՆ պետքարտուղարության և ՀՀ-ում ԱՄՆ դեսպանության պատվիրակությանը:
Մոտ երկու շաբաթ առաջ Ալեն Սիմոնյանի նման հայտարարությանը ես արդեն արձագանքել եմ, ասելով, որ Արցախի իշխանությունների և ԱԺ-ի մահվան լուրերը չափազանցված են: Այս մասին, այսօր՝ հոկտեմբերի 11-ին, COP29-ից առաջ հայ ռազմագերիների և պատանդների անհապաղ ազատ արձակման պահանջով ՄԱԿ-ի հայաստանյան գրասենյակի առաջ բողոքի ակցիայի ժամանակ լրագրողների հետ զրույցում նշեց Արցախի Հանրապետության Ազգային ժողովի նախագահի պարտականությունները կատարող Գագիկ Բաղունցը՝ անդրադառնալով ՀՀ իշխանությունների հայտարարություններին, թե իրենք չեն ճանաչում Արցախի իշխանություններին:
ՆԱՏՕ-ի անդամները չպետք է վախենան Կրեմլի կողմից բխող միջուկային սպառնալիքներից՝ փորձելով թուլացնել Արևմուտքի ռազմական աջակցությունն Ուկրաինային, ասել է ՆԱՏՕ-ի գլխավոր քարտուղար Մարկ Ռյուտեն: Իսկ հաջորդ շաբաթ մեկնարկող միջուկային զորավարժությունները, նրա խոսքով, ցույց կտան նման սպառնալիքներին արձագանքելու պատրաստակամությունը։
Հայաստանում զինծառայողների ատեստավորման գործընթացին խոչընդոտող ցանկացած փորձ վճռականորեն կկանխվի օրենքով։ Այս մասին Sputnik Արմենիայի հետ զրույցում ասաց ՊՆ մամուլի քարտուղար Արամ Թորոսյանը՝ մեկնաբանելով գնդապետ Սասուն Բադասյանի՝ պաշտոնանկ անելու պատճառների մասին մամուլում շրջանառվող լուրերը։
Սերգեյ Փարաջանովի 100-ամյակին նվիրված հոբելյանական միջոցառումների շրջանակներում Երևանում կկայանա հայ- ֆրանսիական «Բալետ Փարաջանով» բալետային ներկայացման պրեմիերան։
Այն, ինչը կատարվում է աբսուրդի ժանրից է և ընդհանրապես կապ չունի իրավաբանության հետ։ Այս մասին այսօր՝ հոկտեմբերի 11-ին, դատարանի բակում լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանն՝ անդրադառնալով իր վերաբերյալ քրեական գործը կրկին վերաբացելուն։