Ռուսաստանի փոխարտգործնախարար Միխայիլ Գալուզինը և Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչն այսօր քննարկել են Հարավային Կովկասում խաղաղության հասնելու ուղիները: Տեղեկությունը հայտնում է ՌԴ արտաքին գործերի նախարարության մամուլի ծառայությունը։
Եվս մեկ անգամ հիշեցնեմ, որ Ռուսաստանի դիրքորոշումը տարածաշրջանում տրանսպորտային շրջափակման վերացման վերաբերյալ հայտնի է: Այն ոչ մի փոփոխության չի ենթարկվել։ Դրա մասին սեպտեմբերի 11-ին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին՝ փոխվե՞լ է արդյոք Մոսկվայի դիրքորոշումը այսպես կոչված «Զանգեզուրի միջանցքի» վերաբերյալ։
ՀՀ իշխանությունը որոշել է վերագործարկել Սիսիանի օդանավակայանը: Տեղեկությունը Sputnik Արմենիային հայտնեցին ՀՀ տարածքային կառավարման և ենթակառուցվածքների նախարարությունից` պատասխանելով մեր գրավոր հարցմանը։
Ադրբեջանի ԱԳՆ իր հայտարարությամբ անդրադարձել է Բաքվի բանտերում պահվող մեր հայրենակիցներին՝ արձանագրելով, որ իբր Ադրբեջանը որևէ պարտավորություն չունի վերադարձնելու գերիներին՝ նրանց համարելով հանցագործներ։
Իրանի ազգային անվտանգության բարձրագույն խորհրդի ղեկավար Ալի Աքբար Ահմադիանը ԲՐԻԿՍ+–ի երկրների բարձրաստիճան ներկայացուցիչների հանդիպման ժամանակ առաջարկել է կազմակերպության ներսում ստեղծել անվտանգության հատուկ կառույց։ Տեղեկությունը հայտնում է ՌԻԱ Նովոստին՝ հղում անելով «Tasnim»-ին։
Հնարավո՞ր է արդյոք Գերմանիայում ապաստան հայցող ՀՀ քաղաքացիներին արտաքսեն Ադրբեջան։ ՀՀ ԱԺ «Հայաստան» խմբակցության գլխավոր քարտուղար Արծվիկ Մինասյանը կառավարության հետ հարցուպատասխանի ժամանակ կոնկրետ քաղաքացիներից ստացված մտահոգություն-դիմում փոխանցեց ՀՀ ԱԳ նախարար Արարատ Միրզոյանին։
Հայաստանը միացել է տրանսպորտի վերաբարյալ ՄԱԿ-ի 61 կոնվենցիաներից և իրավական այլ գործիքներից 13-ին, թեև պարտադիր չէ, որ երկիրը միանա բոլոր այդ կոնվենցիաներին, այս մասին «Երևանյան երկխոսություն» համաժողովի «Հայաստանը որպես տրանսպորտային և լոգիստիկ հանգույց. զարգացման հեռանկարներ» թեմայով պանելային քննարկմանն ասաց UNECE-ի գործադիր քարտուղարի տեղակալ Դմիտրի Մարյասին՝ անդրադառնալով հարցին, թե ինչպես կարող է Հայաստանն օգտագործել ՄԱԿ-ի ճանապարհային անվտանգության կոնվենցիաները բարելավելու ճանապարհային անվտանգությունն իր լոգիստիկայի և տրանսպորտային ոլորտներում և ապահովել, որ դրանք համահունչ լինեն համաշխարհային լավագույն փորձին։
Վարչապետ Նիկոլ Փաշինյանը խուսափողական պատասխան է տվել դատական համակարգի վրա իշխանությունների ճնշումներին վերաբերող հարցին։
Տրամաբանական կլիներ ակնկալել, որ սկզբում պետք է կանոնակարգը հաստատվի, նոր սահմանազատում լինի. Այլապես եթե հնարավոր է առանց կանոնակարգի սահմանազատում անել՝ արեք, էլ ինչու եք մշակել կանոնակարգն ու ուղարկել ՍԴ: Այս մասին, այսօր՝ սեպտեմբերի 11-ին, ԱԺ-ում կառավարության հետ հարցում պատասխանի ժամանակ դիմելով փոխվարչապետ Մհեր Գրիգորյանին, ասաց «Հայաստան» խմբակցության պատգամավոր Արթուր Խաչատրյանը:
Եվրամիության և Հայաստանի միջև մուտքի արտոնագրերի ազատականացման քննարկումը Հայաստանի ինքնիշխան իրավունքն է, այս հարցը Մոսկվան Երևանի հետ չի քննարկել, սակայն թեման կարող է քննարկման առարկա դառնալ առաջիկա երկկողմ բանակցություններում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։