Բաքվի ռեժիմը էթնիկապես զտված Ստեփանակերտում Արցախի պետական համալսարանի դիմաց մի քանի բնակելի շենքեր է ավերել, թեև Արդարադատության միջազգային դատարանը Ադրբեջանին պարտավորեցրել է թույլ տալ հայ բնակչության վերադարձը։
Իրանի աշխարհաքաղաքական սահմանների փոփոխությունները բնավ ընդունելի չեն: Զանգեզուրի միջանցքի բացումը, որին Ռուսաստանի համաձայնությամբ ձգտում են Թուրքիան և Ադրբեջանը, Իրանի ազգային անվտանգության և տարածքային ամբողջականության համար լուրջ սպառնալիք է։ Դրա մասին հայտարարել է Իրանի նահանգների Գերագույն խորհրդի պատգամավոր Մոհամմադ Սադեղին, գրում է իրանական IRIB news կայքը։
Եվրասիական տնտեսական միության (ԵԱՏՄ) շրջանակում էներգառեսուրսների ընդհանուր շուկա ստեղծելու հարցը քննարկվել է Մինսկում, որտեղ սեպտեմբերի 9-ին կայացել է ԵՏՀ էներգետիկայի և ենթակառուցվածքի նախարար Արզիբեկ Կոժոշևի աշխատանքային հանդիպումը Բելառուսի փոխվարչապետ Վիկտոր Կարանկևիչի, ինչպես նաև Բելառուսի էներգետիկայի նախարար Ալեքսեյ Կուշնարենկոյի հետ:
Ազգային ժողովում քննարկվեց «Ծառայությունների ազատ առևտրի, հիմնադրման, գործունեության և ներդրումների իրականացման մասին» համաձայնագիրը վավերացնելու նախագիծը։ «Արմենպրես»-ի հաղորդմամբ՝ Ազգային ժողովի նիստում նախագիծը ներկայացրեց ՀՀ էկոնոմիկայի նախարարի տեղակալ Սևակ Միքայելյանը:
Երևանի ընդհանուր իրավասության դատարանի Կենտրոն նստավայրում այսօր շարունակվեց արդարադատության նախկին նախարար Հրայր Թովմասյանի գործով դատական նիստը։ Պաշտպան Միհրան Պողոսյանը շարունակեց պաշտպանական ճառը։ Ավարտից հետո դատավոր Տաթևիկ Գրիգորյանը հայտարարեց, որ պետք է հանրային պաշտպան Զոյա Սակովան ներկայացնի պաշտպանական ճառը:
«Այակվե» քաղաքացիական նախաձեռնության համակարգող Ավետիք Չալաբյանը Վերաքննիչ դատարանի այսօրվա նիստում կրկնեց, որ իր դեմ հարուցված քրեական գործը շինծու է, իսկ մեղադրանքները՝ հորինված։ Հիշեցնենք, որ Չալաբյանը մեղադրվում է ուսանողներին կաշառք տալու փորձի մեջ։
Հայաստանում մշակութային հաստատությունները պետք է իրենց անվանման մեջ ունենան «պետական» բառը՝ նախկին «ազգային» բառի փոխարեն։ Այս մասին սեպտեմբերի 9-ին Ազգային ժողովի նիստում «Մշակույթի ոլորտում օրենսդրության հիմունքների մասին» օրենքում փոփոխություններ և լրացումներ կատարելու մասին օրինագծի քննարկման ժամանակ ասաց Կրթության, գիտության, մշակույթի և սպորտի փոխնախարար Դանիել Դանիելյանը։
Հաշվի առնելով Հայաստանում արևային էներգիայի ներուժը, ոլորտի զարգացման դինամիկան և հեռանկարները՝ Միջազգային արևային դաշինքին միանալը հնարավորություն կստեղծի մեր երկրին ներգրավված լինելու արևային էներգետիկայի զարգացման միջազգային գործընթացներին, ծանոթանալու բնագավառի զարգացման նորագույն առաջանցիկ տեխնոլոգիաներին, ներկայացնելու սեփական հաջողված փորձը: Այս մասին նշել է ՀՀ տարածքային կառավարման և ենթակառուցվածքների նախարարի տեղակալ Հակոբ Վարդանյանը՝ ԱԺ հերթական նիստում ««Միջազգային արևային դաշինքի (ՄԱԴ) հիմնադրման մասին» շրջանակային համաձայնագիրը վավերացնելու մասին» օրենքի նախագիծը ներկայացնելիս:
Արցախի Հանրապետությունը լուծարված չէ: Հայաստանի ԱԺ նախագահ Ալեն Սիմոնյանին հակադարձում է Արցախի Հանրապետության Ազգային ժողովի պատգամավոր Մետաքսե Հակոբյանը։
ՄԱԿ-ի մարդու իրավունքների գերագույն հանձնակատար Ֆոլքեր Թյուրքը կարծում է, որ միջազգային հանրությունը պետք է առաջնահերթություն տա Մերձավոր Արևելքում տարածաշրջանային հակամարտությունների կանխմանը։