«Ժողովուրդ» թերթը գրում է. ««Ժողովուրդ» օրաթերթը տեղեկացավ, որ Հարավային Կովկասում և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարն այսօր կգա Հայաստան: Մեր տեղեկություններով՝ նա հանդիպում կունենա ՀՀ բարձրագույն ղեկավարության հետ:
Արցախի Հանրապետության կառավարության նիստում, որը վարել է նախագահ Արայիկ Հարությունյանը, ԱՀ պետական նախարար Ռուբեն Վարդանյանը հանդես է եկել ելույթով: Ռուբեն Վարդանյանի խոսքը ներկայացվում է ստորև: Այս մասին հայտնում է ԱՀ պետնախարարի աշխատակազմի հանրային կապերի բաժինը։
ՄԳԻՄՕ-ի միջազգային հետազոտությունների ինստիտուտի եվրաատլանտյան անվտանգության կենտրոնի առաջատար գիտաշխատող, «Միջազգային վերլուծություն» ամսագրի գլխավոր խմբագիր, ՄԳՌԽ փորձագետ Սերգեյ Մարկեդոնովը «Донской Казак» թելեգրամյան ալիքում վերլուծել է Արցախի պետական նախարարի պաշտոնից Ռուբեն Վարդանյանի ազատումը։
Արդարադատության միջազգային դատարանի որոշումը հրապարակելուն պես Ադրբեջանը պարտավոր էր ապահովել ազատ տեղաշարժը Լաչինի միջանցքով, սակայն փաստ չէ, որ Ադրբեջանը դա կանի։ Sputnik Արմենիայի հետ զրույցում մեկնաբանելով ՄԱԿ–ի արդարադատության միջազգային դատարանի որոշումը` այս մասին ասաց միջազգային իրավունքի մասնագետ, փաստաբան Արա Ղազարյանը։
Հաագայում տեղակայված Արդարադատության միջազգային դատարանի կողմից կայացված դատական ակտերը կատարման գործընթացում կարող են որոշակի խորչընդոտներ ունենալ, որովհետև անմիջական կատարողական գործիքակազմ չկա, սակայն կարևոր է ունենալ իրավաբանորեն պարտադիր ակտ, որն արձանագրում է, որ Ադրբեջանի կողմից Արցախի շրջափակումը ոչ իրավաչափ և միջազգային իրավունքը խախտող գործողություն է: Այս մասին News.am-ի հետ զրույցում ասաց Միջազգային և համեմատական իրավունքի կենտրոնի նախագահ Սիրանուշ Սահակյանը:
Գաղտնիք չէ, որ կա Հայաստան դիտորդական առաքելություն ուղարկելու և Հայաստանին ռազմատեխնիկական օգնություն տրամադրելու ՀԱՊԿ որոշման նախագիծ, որը Հայաստանը չի ստորագրել։ Այս մասին 24News-ին տված հարցազրույցում ասել է Հայաստանում Ռուսաստանի արտակարգ և լիազոր դեսպան Սերգեյ Կոպիրկինը։
Դատարանի որոշումը Լաչինի միջանցքի հարցով առանցքային կարևորություն ունի, որովհետև դատարանի որոշումներն իրավաբանորեն պարտադիր են: «Հանրային հեռուստաընկերության» հետ զրույցում ասաց միջազգային հարցերով ՀՀ ներկայացուցիչ Եղիշե Կիրակոսյանը` անդրադառնալով ՄԱԿ–ի արդարադատության միջազգային դատարանի որոշմանը։
Ռուսական կողմը լրջորեն դիտարկում է ԼՂ սուբյեկտայնությունը բարձրացնելու հնարավորությունը, և Ռուսաստանի կողմից նման առաջարկները բխում են այդ խնդրի լուծման բանաձևի որոնումից, այդ թվում՝ Լեռնային Ղարաբաղում ռուս խաղաղապահների գտնվելու ժամկետի երկարացման տեսքով և այլն։ Այս մասին News.am-ի հետ զրույցում ասաց ԵՏՄ ինստիտուտի տնօրեն, քաղաքագետ Վլադիմիր Լեպեխինը։ Սակայն, ինչպես հավելեց փորձագետը, Ռուսաստանին այսօր ոչ մի լրացուցիչ ճակատ պետք չէ, ակտիվության ոչ մի ուղղություն և թեժ կետեր ոչ մի պարագայում Ռուսաստանին պետք չեն, առավել ևս Կովկասում, որտեղ Թուրքիան տվյալ ժամանակահատվածում կարևոր ալիք է Մոսկվայի համար:
Հարավային Կովկասում տրանսպորտային և տնտեսական հաղորդակցությունների ապաշրջափակման հարցում ռուսական դիրքորոշումը չի հանգում արտատարածքային միջանցքների տրամաբանությանը։ 24News-ի հետ հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։
Ադրբեջանը պետք է առանց նախապայմանների վերականգնի Լաչինի միջանցքով երթևեկության 2020թ. նոյեմբերի 9-ի եռակողմ հայտարարությամբ սահմանված ռեժիմը։ Այս մասին հայտարարել է ՀՀ ԱԳ նախարար Արարատ Միրզոյանը Հայաստանում ԱՄՆ նորանշանակ դեսպան Քրիստինա Քուինի հետ հանդիպման ժամանակ, հաղորդում է ԱՌԿԱ-ն։ Հանդիպման ընթացքում Միրզոյանը կարևորել է հայ-ամերիկյան գործընկերության հետագա խորացումը փոխադարձ հետաքրքրություն ներկայացնող ոլորտներում։ Նախարարը բարձր է գնահատել ԱՄՆ աջակցությունը՝ ուղղված Հայաստանի կառավարության ինստիտուցիոնալ կարողությունների ամրապնդմանը և ժողովրդավարական բարեփոխումների խթանմանը: