NEWS.am–ի տեղեկություններով, ապրիլի 9-ին Գեղարքունիքում ականի պայթյունից տուժած զինծառայողի ոտքն ամպուտացվել է։ ՀՀ ՊՆ–ից NEWS.am–ին միայն հայտնեցին, որ զինծառայողի կյանքին վտանգ չի սպառնում, նա գտնվում է բժիշկների հսկողության տակ։

ԱՄՆ նախագահի հատուկ բանագնաց Սթիվ Ուիտկոֆը ժամանել է Ռուսաստան։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

2024 թվականին առևտուրն ԱՊՀ երկրների միջև աճել է շուրջ 4,5%-ով։ Մոտավորապես նույնքան էլ ավելացել է արդյունաբերական արտադրությունը։ Այս մասին Ալմաթիում ԱՊՀ երկրների արտգործնախարարների խորհրդի նիստից հետո հայտարարել է ՌԴ արտգործնախարար Սերգեյ Լավրովը։

Ապրիլի 9-ին ՀՀ արդարադատության նախարար Սրբուհի Գալյանը ԱՄՆ պետքարտուղարությունում հանդիպում է ունեցել Եվրոպայի և Եվրասիայի հարցերի գրասենյակի ավագ խորհրդատու Լուի Բոնոյի (Կովկասյան հակամարտությունների գծով խորհրդական) հետ։ Այս մասին իր էջում գրել է միջազգայնագետ Սուրեն Սարգսյանը:

Հայազգի պատգամավոր Խոսե Լուիս Սաջյանի նախաձեռնությամբ Ուրուգվայի Ներկայացուցիչների պալատի նիստի ընթացքում պատգամավորներն անդրադարձել են Հայոց ցեղասպանության 110-րդ տարելիցին: Այս մասին NEWS.am-ին տեղեկացնում են Ուրուգվայում ՀՀ դեսպանությունից:

Իսրայելն ու Թուրքիան չեն կարողացել համաձայնության գալ Սիրիայի հարցում իրենց միջև լարվածությունը կանխելու համար Ադրբեջանում կայացած բանակցությունների փուլում։ Այսպիսի հավաստիացմամբ հանդես է եկել Իսրայելի Kan պետական ​​հեռուստառադիոընկերությունը։

Վերջին շաբաթներին Տավուշի մարզի Բերդի տարածաշրջանի սահմանամերձ մի քանի գյուղերում ադրբեջանական կողմից կրակոցներ են լսվում։ Sputnik Արմենիայի հետ զրույցում Չինարի գյուղի բնակիչներից մեկը հայտնեց՝ կրակոցները գյուղի ուղղությամբ չեն, դեպի օդ են ուղղված, ինտենսիվ չեն։

Ալմաթիում մեկնարկել է ԱՊՀ արտաքին գործերի նախարարների խորհրդի (CFM) նիստը նեղ կազմով։ Հայաստանը ներկայացնում է փոխարտգործնախարար Մնացական Սաֆարյանը։

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ մայիսի 9-ին Մոսկվայի Կարմիր հրապարակում կայանալիք ամենամյա շքերթից առաջ ՌԴ նախագահ Վլադիմիր Պուտինը կհանդիպի Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: